عيــد ميلاد الليلــة .. مين .. ؟

عــيد مـــيلاد النــونــــه



.
.
.


الليلة إحساسي غريب ..

أمس .. كانت .. بنوته صغيرونــه ..

شيطونه .. كثير ..

عناديه شوي ..

وتركب راسها كثير .. كثير ..

بس حبوبــه ..

وقلبها طيب حيــل ..


/

/

/

أمس .. كانت .. تلبس شنطتها ..

وتطلع بكير لمدرستها ..

وتاخذ فسحتها ..

وتبوس الماما ..

وفرحتها مجنونه ..

تركض تلحق جدها .. وتمسك بيده

عشان يوصلها ..

يلعب جدها بجديلتها ..

تعصب ..

بابا .. لا تخرب شعري ..

يبوس راسها ..

ويعطيها فسحتها ..

بابا .. ماما اعطتني فسحتي ..

خليها معتس ..

وإنتي طالعه نروح البقالة ..

شكرا يا بابا ..

أحبك كثير .. كثير ..


/

/

/


أمس كانت .. تعيد بحضن جدهــا ..

وتزعل إذا محد عايدهــا

تجمع العيديه ..

وتركض للبقالة ..

محي الدين .. ابي آيس كريم غوار

كلاس مافي غوار .. في كاس يبغى كاس ..

انا ما احب الكاس انت مو كويس محي الدين .. بكرا جيب غواار

طيب .. انتي واجد قرقر ..

انا قرقر .. طيب طيب انا في كلام بابا ..


/

/

/


أمس كانت .. تركض في الحوش ..

وتسابق العيال ..

بالسيكل ..

بفوز عليكم ..

اتحداتس ..

لا تتحدى انا كبيره .. وقويه

روحي .. هناك مانلعب مع بزران .. !!

انا بزران ..

والله اعلم جدي اخليه يضربكم بالعقال



/

/


صوت .. وإزعاج ..

يابنت ..

وطي صوت التلفزيون

ما أبي ..

وبعدين معتس قصريه .. إزعاج ..

ما أبي

بعلم جدي بقول شوفهم مايخلوني اشوف كرتون ..

طيب حبيبتي .. قصري بس شوووي

لا

لا

طيب اوريتس .. مافي روحه لبيت خالـتـ تس

عادي جدي بيوديني ..!

باسها قوي .. على مين طالعه ...؟

عليتس ..


تركض وتتخبى ورا جدهااا

بابا .. ماما بتضربني ..

وش مسويه ..؟

ولا شيء .. منسدحه اطالع كرتون .. بس

بس

ايه

عيب اللي يكذب

اممم .. طيب .. اسفه ..


/

/

/

أمس كانت .. .. .. بحضن امها تنام ..

وتلعب مع جدها كل عصر عند النخل ..

وتسولف مع جدتها .. سوالف بنات كباااار ..

تتدلع عند خالتها ..

وتجنن عمتها ..


/

/

اليوم .. بس .. كبرت .. صارت ( أمـــــ )

تنتظر ..

من يعاندها .. يجننها ..

تنتظر ..

من تدلعه .. وتنومه بحضنهــا ..


/

/

/




وكبرتي ياصغيـــــره ..