مُنتدياتْ بوُووح الأدبيهّ - عرض مشاركة واحدة

مدمن قهوة · #74 (**permalink**) 07-09-2008, 15:33

اقتباس:

هذا خبري بك من قبل العام ما تصوم
تقعد تحت الدرج حق المدخل وتشرب فينتو وتاكل بيض مقلي

بس وش رايك بـ ( فينتو )

هههههههههههههههه بيض مقلي وفينتو << حامت تسبده

أما فينتو هههههههههه أهم شيء (بالنون)

اقتباس:

الحين الا تعال بسالك وش سالفة كارفور !!
انت تقصد دار فور حقت السودان
والا تقصد كارفور الهايبر ماركت !!

أقصد دارفور في كارفور ،، يصلح أسم فلم مصري
ايه ياخوي ما شفت العالم تذابحوا في كارفور عشان التانج إلا على طاري التانج ياخي وشلون يشربونه هالعالم ينقز مرّ ،، أعرف لي واحد يموت ببودرة تانج تقل" هروين " تشوفه بعد صلاة المغرب منلفز بالمطبخ ويلهم من هالبودره هههههههههههه أعترف يا دنيا أنت وش تحب تانج المنجا ولا البرتقال

اقتباس:

بعدين شروره والقريات جمب بعض بس تفصل بينهم حدودنا مع اسبانيا المحتله
<< حاس الخريطه الجغرافيه

وكل اللي ذكرتهم يطلون على المحيط الأطلسي

اقتباس:

اقول كنك كثرت السواليف عن ذاك وذاك !!
ماتخاف يجي ويلغي الخيمه !!
ياخي اسكت ما صدقنا على الله انه الخيمه لين الحين موجوده وماطارت

ياعيب الشوم وشلون يصكها وهو راعيها

اقتباس:

عاد والله اني ودي ارفع له خطاب اقوله نبي ملعب طائره بآخر الخيمه بس اخاف انطرد
وش رايك تقوله انت لأنك راعي سوابق

ههههههههههههههههههههههههههههههههههههههههههههه
حسبي الله على ابليسك
بعدين تعال وش راعي سوابق أنت وخشتك

اقتباس:

كلهم يقولون لي بالبيت وبالمدرسه وبالشارع ( هيه انت يا ابو الشباب )

ههههههههههههههه عليك تحليل ، يدل إن الجوع لاعب في بطنك لعب ،،

اقتباس:

بالنسبة للتحليل صح ألف بالمية

مش جديد على مدمن دايم يجيبها في الثمانيات ولا قلت لعبتي يعني لعبتي

اقتباس:

أول شي خل عنك وين اصيف ووين اختار !!
الحين وش تبي انت لأني فهمت من كلامك انك تبي تروح معي !!
قد قلت لك انا من قبل تروح معي للرس والا لكارفور
تركد تركد روحه معي منتب رايح وخل عنك حركات اللي يقولون بروح معكم والا بخرب
اما بالنسبه للصيف ما تفرق معي حتى لو اصيف بمحطه على طريق الشرقيه ماعندي مشكلة

عجيييب تقول هالكلام وأنت اللي تزن على راسي سافر معي <<---

اقتباس:

بعدين مالقيت الا لندن والا الرس !!
لندن يقولون تجيب المغص بالصيف وصداع نصفي وتشققات بالركبه !!

الله أكبر تقول هالكلام على لندن ،، عيني بعينك وشلون يقوى قلبك وتكتب هالكلام

اقتباس:

شف لك مكان ثاني ( اصيف فيه انا لحالي )

وش رايك بهاواي ،، خلاص اجل كلم اللي يبي يخاوينا < وتاليتها معك يالمدمن

اقتباس:

الجرده / هذي كلمه مبعثره لو جمعت حروفها طلعت الدرجه
وهنا اخونا مدمن قهوه يلمح للاداره يقول كم الدرجه النهائيه للجواب
<< وش رايك بالتصريفه يامدمن

يسلم هالفم شرح سليم وفي مكانه << هههههههه لاعمرك تشرح للأعضاء الله يرضى عليك

اقتباس:

اهلين
بما اني طولت هنا واخذت الجو على غيري راح اترك المجال لغيري << تصلح قصيده صح
السطر اللي فوق كلماتي وألحاني طعباً

الله العالم ضاعت علومك بعد ردي الاخير وراك أعترفت بسرعه وجبت كل معلوماتك مره وحده عاد تدري لو إن اللعبة منتهيه ومحد عرفك بنكون حنا الفايزين لأنه ولا معلومه صحيحه قلتها في اجوبتك السابقه ههههههههه

عز البدو

اقتباس:

مدمن قهوة تستاهل نقطتين ..

يسلمووو يا عز طبعا ما ننسى المرسيدس المقدم من دنيا للفائز
وخلي عنك الدفاع عن ود مره ثانيه ويعطيك العافية ع هالمجهود يا أميرة بوح ،

اقتباس:

ترى بسافر معكم

هههههههههههههههههه ما قلت شيء يا دنيا ، شف تراني بريء مثل براءة الدم من ذئب يوسف << هم يقولونها كذا ولا انا واهم

عشبة يسلموو ،

صبـا أنتِ بطله أعجبتني ثقتك يوم تقولين " لا لا حطوني منفي" ههههههههههههه تستاهلين النقطه ولو أنا مكان عز عطيتك نقطه ودباب مرسيدس

إن شاء الله بنرجع لـ من أنا الجديد بعد ما ناخذ لفة بالمرسيدس

ود ، دنيا ، هيه أنت يابو الشباب ، فجأة ، يعطيك العافية وسعت صدورنا وإن شاء الله ما أكون ثقلت عليك وتحمل مصالتي

لـِ الطاهرة