مُنتدياتْ بوُووح الأدبيهّ - عرض مشاركة واحدة

ظلي معي ياشمس · #60 (**permalink**) 07-11-2008, 16:01

بداية أعتذر عن التأخير ...

قبل كل شيء أحب اشكرك صقر على هالطرح وأقول ياليت كل مدراء المنتديات

يقتدون فيك وبفكرك ، اسمحلي اقول كل شي بخاطري بدون اي ترتيب

مشكلة المنتديات الحين انها ماترتقي بالعضو عندك المنقول الواحد تلقى كل

مواضيعه منقوله انا ماني ضد المنقول لكن وش الفايده من واحد مايبدع ولو مره

وحده ، المشكله انو مدير المنتدى سامح للشيء هذا يصير يعني انت الحين في

منتدى بوووح منعت المنقول لأنك تبي مصلحة اي عضو ينتسب للبوح، منع المنقول

تترك للعضو انو يفكر ويبدع علشان يطلع موضوع مو نسخ لصق مثل ماهو صاير باغلب

المنتديات ، وايضاً موضوع الردود اتكلم بشكل عام اغلب المنتديات تتهاون مع الردود

مثل يسلموو ومشكور وبس مافيه اي زياااده صار اي واحد يرد مايتعب نفسه بس مشكور

ويطلع فـ لما تجي منتديات صارمه بـ الموضوع هذا تلقى الناس ضجرة لأن اغلب الناس

تعودت على الردود اللي سبق وقلتها فأنت لما تجي وتطلب منهم انهم يردون رد بنقاش

وانتقاد وحوار يكون صعب عليهم فأصبح الأغلبيه من الناس بسبب هالمنتديات المتهاونه

مايقدر يناقش او يحاور واللوم هينا على اصحاب المنتديات انهم يجب عليهم ان لا يسكتون

بل يشجعون الحوار علشان مافيه اي عضو يجد اي تردد انو يحاور لأن بالحوار ترتقي العقول

وبالنسبه للبوح اللي اعتبره انا عندي انه شيء مقدس

اقولك ياصقر إذا بتستمر بسياستك هاذي وجراءتك هاذي

صدقني بعد وقت وجهد قليل بتلقى البوووح اللي تطمح له

ويطمح له الكثيرين .

* أعتذر إذا خرجت عن الموضوع قليلاً
بس انا بقولك صدقني راح تتعدل الأمور

دمتَ كما أنت مبدعاً