مايلـوّح في سمـا الخـافق بريق
ومايروح الهـم باسـباب العتاب

افتـقد في غربتي .. معـنى رفيق ..
امسكه .. لاهـزّني .. كثر المصاب

تنتفض بي عبرتي .. بيـن الشهيق
تحترق من حـرّها .. بيض الثياب

علمـتني دنيتي .. وشلـون افيق
لا طرحني حـزن بجروحي .. وذاب

يسألوني .. ليـه انا فكري طليق ؟
واكتـم الحسـره بقلبي والجواب

( انت وينك ! ) بين هم وبين ضيق
( كيف حالك!! ) شوف همي والعذاب

( ليه غاايب؟؟ ) ضايع وسط الطريق
ومادريت الا وانا وسط الغياب ..!!

عين ليلي مثـل جمرات الحريق
توقده دمعـاات عيني .. ما استتاب

دام خلي .. يوقض الجرح العتيق
كيف نشره لا جـرح مخلب وناب ؟

ودام قلبي في بحـر فكره غريق
الغـرق ارحم .. من نعاق الغراب

والحناجر صمتها اصبح صديق
كلما جـاه المحاكي .. سـد باب

انكسر ورد المحبه ... بالرحيق
وانسكب .. مع ثنيها ريح الشباب

وصار حبل الدمع بأيامي يليق
ومايروح الدمع .. باسباب العتاب