العز بالله .. و الرجـاوي بـالأولاد
و العبدبأمـر الله .. نصيبـه يصيبـه

اهب يا حــظ البنـادم .. ليـا جـــاد
لامن تمنـى شـي حظّـه يجيبـه

احدٍ حيــاته كلهـا اعيـاد فـ اعيـاد
من يوم فتّح و الهنـا فـي حليبـه

ما عابل الدنيـا .. و لا لقمـة الـزاد
و الحاجـه العسـره .. تجيلـه قريبـه

تبني له الدنيا .. و هـو قاعـد امجـاد
و كلِ يقول فلان .. يا طيـب طيبـه

و احدِ قضى عمره .. من إجهاد فإجهاد
و كثر المصايب عجلت في مشيبـه

ما ناش من وقته .. سوى بن و قنـاد
و الهيّنه تصبـح بوجهـه صعيبـه

يفعل و لا يذخر فلا شك ما فـاد
لا ينذكر طيبـه .. و لاحـدِ دريبـه

هياّ كذا .. و الوقت سلال الاجـواد
وشلون يآمن به حبيـب و حبيبـه ؟؟

البارحه من واد ، فـي واد ، فـي واد
لله در الـحـب .. و الله حسـيـبـه

بين الخيال و واقعي .. شـدّ و عنـاد
مابين صدق .. و بيـن شـكِ و ريبـه

عقب البطا جاني يقـول الغـلا زاد
أثره صحيح الحب الاول مصيبـه !!

معقول ياأجمل حلم بالعمـر تنعـاد ؟!
عندي سؤال .. و لازم انـك تجيبـه

أستحلفك بالله .. راجع لي ضمـاد ؟!
يا راعي الجرح الاخيـر و طبيبـه ؟؟

او جازلك جرحي ؟! و ناويلك جداد
لا تلومني !! جيّتــك هـذي غريبـه

قال انت ناسي إن حظك ليا جاد
مهمـا تمنـى شـي حظـك يجيبـه

قلت العفـو .. و العـز بالله ليـا راد
و العبـد بأمـر الله نصيبـه يصيبـه






سالم حمد الملعبي