سجد الدجى ،
عساك ماتذوقين اللي ذاقوه اهل العراق ، لو كان لا سمح الله و الله لا يوريك مكروه ، كان ماقلتِ احمق وهمجي ،
لمن الأشخاص يعيشون طول عمرهم على صواريخ رايحة رادة ،
لمن الأشخاص يعيشون طول عمرهم يشوفون نخلهم يحرق و مساجدهم ،
و مزارعهم ، و أمهاتهم يغتصبون و أولادهم تنتهك حرماتهم ، لمن تشوفين الأولاد صغار ، خط الشيب براسه من شدة التعب النفسي و الجسدي ، لمن تشوفين الأشخاص ينومون مايعرفون راح يصحون على صوت صواريخ او صوت مدافع ، لمن تشوفين الأشخاص مشردين ،
تخيلي مشردين في الوطن ،
مشردين في زواياهم ، مشردين ياسجد تعرفين يعني ايش مشردين ، ؟
يعني في العراء ، لا سقف يحميهم و لا حتى حتة بساط يتقاسمونه 10 اطفال ،
جسد ، أعتقد أنه من الحرة اللي فيه و القهر ،
لمن أحد يجي ياخذ منك شي مو من حقة أقلها شنطة أو أي شي سخيف
لمن أحد ياخذ شبر بس شبر من قطعة شي تحبينه ، - من دون أدنى حق لاحظي من دون أدنى ، حق ، ساعتها ياسجد راح يكون تصرف همجي ؟ و أحمق ، ؟
ماأعتقد ،
أسمعي صرخاته ، أسمعي القهر اللي صار في صوته ،
وش شعورك لمن تشوفين اللي ظالمتس قدام عيونتس ،
ساعتها وش تبي تسوين ؟
بتوقفين و تقولين له أقلط القهوة عندنا ؟ و لا العشاء حالفة عليك ،
أنا لي ثلاثة ايام من صار الحدث و انا افكر لين ذبحني التفكير في الصحفي ،
مظاهرات في مصر و هتافات عند محطة البغدادية لأطلاق سراحه ،
يعني اعتقد انها من حرية الرآي ، كل شخص يعبر عن وجهة نظرة ، ماعتقد فيها شي ،
اعتقد بانها ردة فعل طبيعية ، أمام طاغية و شخص جبار ، مثل بوش ،
يملك القوة تبع الدول ، بس وينه من ربنا ، راح نشوف فيه يوم ، و راح نشمت فيه ،
ماراح نوقف و نحترمه و نقول و الله هذا مامفروض نسوي فيه كذا لأنه ضيف و ماضيف ،
الضيف يا سجد المفروض يقدر الناس اللي مستضيفينه مو لمن جات فترة نهاية حكمه جاي بكل برود ، و بإستخفاف ، كأنه يبي يرجع كل شي كان زي اول ،
ماصار فيه شي لو بيدي كان أكثر من شوز ، الا كفوه الجزمة و تكرم بعد ،
تمعني في الموقف زين ، و راح تعرفين و تحكمين ،
رآح يكون لي عودة ، لين تبرد الحرة اللي بقلبي ،

العرب جميعاً ،
كيف الحال ، ؟