سقى غيث الحــيا مزن تهــامي
على قبـــر بتلعـــات الحجــازي
عليه قلــوب عشاقـــه ترامـــى
تكسر مثل تكسيـــر القزازي
_ بن لعبــون _



دنيــا عسى الله يكافي شرهــا ماهيب مأمونــه
لو طابت أيامها ما تنومــن من الغــدر والخــونه
ماهيب ترحم ولاتاوي ولاتبرد مخاطرهـــا
تدفــن زعلهــا سمــه .. في لب ليمــونه
العصر عندي وزيـــن الــروح ونور البيت وسراجه
والصبح يادافــع الأقدار بالعــود مدفونـــــه
ياكود فرقـــاه عسى الله يصبرنـــــي ويجبــرني
ويلطف بحالـــي وحال اللي شكــا فقــد مظنــونه
آقــف وأناظــر محله يوم أنا وياه بالمــاضي
وأهيــض العبرة اللي في صمــيم الصدر مكنونـــه
_ أحمد إبراهيم الحماد _



خليــلي خلت منــك المنــازل ولا خــلا
فؤادي ولاغـــيره نويـــت بــديل
ألا ياحصــاة القبـــر واللبن والثرى
خلعتــــن فــؤادي لين راح هبيــل
ألا ياحصاة القبر ماتسمــحين لي
أشوف العــزيز اللي وراك ذليــل
ألا ياحصاة القبــر خفي وسامحي
على متــرف مايحتمــل ثقيـــل
ألا ياحصاة القــبر وإن ضيف الحيــا
جوانبــك ماصكت عليه يســيل
_ المرحوم ناصر بن شريم _



دنيــا تفاجئ بالمصائــب مفاجـــأت
عـــدو عينــك .. يجعــله راس مــــــــالي
العام جــد وهالسنـــه والدي مــات
الله يرحمهــم وأنا لي مجــالي
لو البكــا ينفع لجاهـــر به أصوات
لــدام يجــلس من غدالــي قبــالي
ولـــخج وسط الســوق روحــه وجيــات
عريان لو سجــل عليّ .. الهبـــالي
_ ماجد العلي _



البارحه يوم الخلايق نيامــا
بيــحت من كثر البكا كل مكنـــون
ولي ونــة من سمعهـــا ماينــاما
كني صويــــب بين الأضلاع مطعـــون
وإلا فــونه راعبـــي الحمامــــــا
غادى ذكرهـــا والقوانيـــص يرمـــون
تسمع لها بين الجــرايد حطامــــا
من نوحهـــا تدعي المواليــــف يبكــــــــــون
وإلا خــلوج .. سايبٍ للهــيامــا
علة حــوارٍ ضايـــع في ضحــى الكـــون
وإلا حــوار نشقـــوله نشــامــــا
وأمــه تطــالع يوم جــروه بعــيون
وإلا رضيـــع جــرعوه الفطــامـــا
أمــه غدت قبــل أربعينــه يتمــــون
جــاه القــدر من بعــد شهـــر الصيــاما
صافي الجبــين بثانــي العيـــد مدفــون
كســوه من عــز الخــرق .. خــامــا
وقامــوا عليــه من الترايـــب يهلـــون
حطــوه في قبـــره عســـاه الهيــــامـــا
في مهـمهه من عــزب الأموات مســـكون
ياحفــرةٍ يسقي ثراك الغمـاما
مزن من الرحمــة عليها يصبــون
وعسى البحتـــري والنفل والخزامـــــى
ينبــت على قبـــر هو فيه .. مدفــون
_ نمر بن عدوان _



يارجــم عديتــك وعدابــي البــين
والقلب في راســــك تبيــح كنيــنه
الله لايسقي مفاليــك عامين
ذكرتنــي راع الطبوع الحسينــه
مرحوم ياللي جهــزوه يوم الأثنين
العصر من فــوق النعش شايلينــه
حطوا على منبـوز الأرداف سافين
حطو عليــه اللبن ملحدينـــه
ياليت كفي حدر خــده عن الطين
والكف الآخــر فوق صافي جبينــه
وياليت يومــي قبل يومه بيومين
وياليت المرض بينــنا قاسمينه
لا ياحيــاة الشر عقب أريش العين
لا والهنــي من شافنــا تابعينـــه
_ جديع ابن سويدان _



ياقبــر جــاك في دجا الليل خــطار
باشوف من حطــو وسادة زوايـــــاه
والله لو انــي حليــم وصبـــار
والرب ثبتنـــي بدينـــه وتقواه
ولولاي أخاف من الرب والنـــــار
لاســـم روحـــي .. بعض الأيام وأقفـــــــاه
ولولا الحـــياء .. لأبنــي على القبــر لي دار
وأتــم جالس عند قبـــره .. ماأتعداه
_ سلطان بن نمر القحطاني _



يارجــم ماشفــــت عبدالله
مانــط بك وقت الأدمـــــــــاس
يارجم أنــا سايلك بالله
أي المـــراجا والأيـــاس
حلفت عن كل خلق الله
أرجـــيه إذا حشــــــروا الناس
_ كنة الشمرية _


لا وحـــاسيف يام وافــين الأشبـــار
عقب أجتمـــاع الشمل زارت لحــدهــا
راحت فوات الحرص من والي الأقدار
في سهلتن بالعــود دفنت وحدهــا
يالله عســى مكانهـــا وسط الأبرار
والجنــة العــليا تفوز بسعدهـــا
وعساه ماتعـــرض على واهج النــار
وبجنــة الفردوس طاهــر جسدهــا
_ المرحوم .. محمد الأحمد السديري _