إي نعم أفتخربـه لاحضـر لـه مجـال
هيبته شاغلتنـي لا..ولاهـو رخمــــه

لاحضر بالمجالس لـه تفـز .. الرجــال
وكل رجـل يشوفـه بالسـلام أزهمــه

أرحبوا به وساقوا له جميـع الــدلال
وحطوا العـود بالمنجـر بكـل فحمـــه

صاحبي لا نطق هرجه يهز .. الجبـــال
لا بـدا فـي كلامـه مـا احــد يزحـمـه

فــارض إحتـرامـه بينـهـم بالمقـــال
ولا خلص من كلامه بالعقل يختــمه

كـل منهـم يبـي قربـه ينـادي .. تعـــال
ومــن يـعـزه يـلـزم حـالـف يعــزمه

حرموا بالطلاق لذبـح نـص الحـــــلال
وأكثـر النـاس حـرم لتمـوت أغنــمه

عارفينـه ويستاهـل عريـــب الخــوال
والله إلي علـى بعـض البشـر كرمـه

من سلايل شيوخ ماضييـن الأفعـــال
بالمواجـه ليـا صـار النهـار عتمــه

يشهد الوقت والتاريخ يضرب مثــال
ومـن جهـل فعلهـم تاريخهـم علمـــه

أفتخر بـه وأعـده مسنــدي والظـــلال
كــان وقـتـي تـروالـي ورز اعلمـــه

أيـه أحبـه وأحبـه والليـالـي طـــوال
ولا أحـد مثـل قلبـي بالـفـلا .. يفهمـــه

لـو تحـده ظروفـه أشغـلـه بالخيــــال
ولو بعد عن عيونه واثقه ما أظلمه

كلما جيت أعاتـب قـال :
والله .. أنشـــغال
يعتذرلـي عتابـي عنـد عـذره أكتمـه

لا تلومـون لا منـي قطعـت الجــدال
كيف بقسى وقلبي من غلاه .. أرحمـــه