صــرخـــة مـــواطـــن

لم نخلق شعراء
وجعلونا نعاني
فأجبرنا لنكون شعراء
في غيهب يخلو من اي شعور
إهداء إلى أهل القصور الشاهقه
إهداء إلى المعلمات المتغربات
إهداء إلى كل عاطل عن العمل
إهداء إلى الفقراء

إلى نفسي

مختصره

[poem font="Simplified Arabic,6,orange,bold,italic" bkcolor="transparent" bkimage="" border="none,4," type=1 line=0 align=center use=ex num="0,black"]
بنت عز ونص عمرك في جنيف = كيف صرتي بالفقّير معجبه
معجبك صوتي أو الحظ الكفيف = يوم ضفتيني بإيميلك ياهبه
أو تظنين الحزن شئٍ ظريف = مفتقد عندك وأنا من يجلبــــه
الحزن ياسيده حسرة رغيف = حلم لأيتام .. البطــــانه تسلبه
الحزن خريج نايم عالرصيف = ينتظر تعيين والفقر أتعبــــه
الحزن بنتٍ وأهلها في طريف = عينوها بالحفر مستغربه
الحزن رجال في رتبة عريف = يحرسك وأنتي حقرتي منصبه
الحزن شعبٍ جهل معنى مصيف = ماقوى يحجز سياحي راتبـه
الحزن بن (( آآآآه )) عيشنا بحيف = بالشعر خلا التسول موهبه
الحزن حلمٍ حلمنا به مخيف = منه حتى الخوف قصرك جنّبه
الحزن .. صعبه أوصف لك وكيف = شارعٍ مظلم خلي بس أتربه
الحزن فصل السنه كله خريف = وأنتي فصولك ربيع ومعشبه
آه يابنت الحشم ماني خفيف = تعشقيني كذب !! هو وين الشبه
نظرتك من فوق لأي معدم عفيف = نظرة اللي واطين فوق عتبه[/poem]

عادل الظفيري

____________________________________