مُنتدياتْ بوُووح الأدبيهّ - عرض مشاركة واحدة

فال · #4 (**permalink**) 25-06-2009, 16:09

العزيز الغالي / البيـان ..

أول ماشفت عنوان الموضوع .. قلت لايكون مصوّر مع ( جيسيكا ألبـا ) ..

بس بعد ماكملت الموضوع قلت ( الله يسامحك يا البيان ) .. شديتني مع العنوان ..

البيان /

الأسئله كثيره واحتاج ان أخـذ نفس عميق عشان ارد عليها .. لكن باختصار بقول ..

اقتباس:

لماذا نزهد في الأشياء عندما تكون في أيدينا بينما تضربنا الحاجة عندما نفقدها .؟

لان ماتعرف قيمة الاشياء الا بعد ماتفقدهـا .. بالحاله هذي مالك الا تردد ( فقدتك يا اعز الناس ) .

اقتباس:

ولماذا تفقد الأشياء رونقها عندما نمتلكها .
في الوقت الذي تتحول فيها إلى قطع من الجمال عندما نراها مع الآخرين .؟

هذا اعتقد تسأله لمعاريس جدد ..

لان ايام الخطوبه جنه وبعد الزواج جهنم ( مو كلهم بس اغلبهم ) .. يارب ماكون غلطان .

اقتباس:

ولماذا نعشق الوطن عندما نبتعد عنه ولا تتحرك مشاعرنا عندما نكون في أحضانه .؟

* هذا ننتظر الـ قلب صقر يرد عليك ..

* يمكن لو حصل موقف راح تتحرك المشاعر .. مثل ايام أزمة الخليج ..

اعتقد تحركت المشاعر ونحن باحضانه .

اقتباس:

دام أن التلفزيون خربان من خمسة أيام ليه ما اتصلت من بدرى .؟
آه .! سؤال منطقى يبحث عن إجابة منطقية .!

( لازلت انتظر الاجابه منك ) .:d

اقتباس:

لماذا أصبحت الشركات وقطاعات البنوك , والمؤسسات التجارية تضع " الأصوات الناعمة " للرد على خدمة العملاء .؟

بكل بساطه ( لان الشعب تعبان نفسياً .. ) حتى تحليل المباريات ياعزيزي ( للاصوات الناعمه ) .

فيه اشياء غريبه كثير واعتقد راح تطول السالفه على هالموضوع ..

هذا زمن تبادل المهمات ( الاخوان للطبخ والاخوات للرياضه ) .

اذكر مره كنت جالس عند شخص ودخلت انسانه ( من عالم الـجمال )

طبعاً كاشفه وهذا شي طبيعي ( اقصد كانها قاعده في بيتهم )

الغريب انها كانت تسوّق عن زيوت سيارات ( بذمتك هذا كلام ) ؟؟

اقتباس:

لماذا بدأت تنتشر هذه الظاهرة هذه الأيام .؟

حتى نواكب التطور ياغالي .. ونرتاح نفسياً ..

قبل فتره بالدوام زارنا مندوب بنك ( مسكين ) يقدّم عرض لبطاقات فيزا ..

تصدّق يمكن ما اخذ الا طلب واحد فقط ..

بعد اسبوع زارتنا مندوبة ( كشخه ) .

.

تصدّق انها طلعت بحوالي 9 طلبات واغلبهم رواتبهم وعقولهم ضعيفه مررره ( اقصد داجين ) ..

بس عشان يشخصون قدّام الاخت الكشخه ..

البيان /

بالنسبة للاذاعه فـ اعتقد انا يضيق صدري مرره اذا سمعت ( رنا ) وهي تستخف بالعالم ..

للتصويت ( اتصل يا .... على الرقم ......) لترشيح فنانك المفضل .

( وقتها ما اقول غير الحمدلله والشكر بس ) .

انا ما اقصد الرادار لا اقصد الاخوان اللي ساكنين بـ ( الصمان ) ..

البيان ..

موضوع جميل جداً وربي استمتعت فيه كثير .. والله يشهد ان الوضع مايساعد على الرد ..

لكن موضوعك اجبرني على التواجد ..

البيان ..

الف شكر على كل ماطرحته .. وبانتظار ماهو جديد من قلمك الـ فاخر ..

البيان ..

يارب ماتاخذ بخاطرك من الاجابااات .

. وعسى ماتزعلك ..

وقفت .. وكانت الفرقا .. مشيت ولا حصل نسيان

بكيـت .. ولا سقـاني الـدمـع .. لا مرٍ ولا حالي *

* البدر

فمان الله ..