تمنيت الألـــم فينـــي .. بروحي ماهـو بروحـك
تمنيت احتضن جسمك واعانـق كـل آلامـه
تمنيت الحزن ثوب(ن) اشيله من على سفوحك
واقدم لك بداله ثوب ضافي تزهـي اكمامـه
يهون الهم في صدري ينوح ولا أرى نوحـك
يهون الدمع بي يسكن .. وتنسى الهم وايامـه
ألّم الهم ويّا الهم .. ويبقـى شوقـي لبوحـك
ويبقى دفّْترك قلبـي انـا صفحتـه واقلامـه
وتبقى ضحكتك عندي براءة تعزف جنوحـك
تطيح بضحكتك دمعه تعيد الوقـت واحلامـه
تمنيت الفرح ليلـه تـداوي علـة جروحـك
نتوه بحبنا لحظـه .. نـودع عالـم اوهامـه
تمنيت الفرح عطر(ن) اشمه من شذا فوحـك
تمنيت التقي ويـاك نعيـش الحـب وهيامـه
وتمنيت الألم فيني بروحـي ماهـو بروحـك
تمنيت احتضن جسمك واعانـق كـل آلامـه