مُنتدياتْ بوُووح الأدبيهّ - عرض مشاركة واحدة - ... أزيزُ الشّوق ! ...||

آخر · #1 (**permalink**) 17-10-2009, 04:38

للغياب ذاكرةٌ تالفة .. تتكئ بـ فَحْوى الرأس ..
فـ لكم أن تعذروني إنْ شئتم !

قبل الدخول !

أجيكم في السوالف هيل ..
أجيكم في عطش أرواحكم غيمة ،
وآجي " نَبْعَةْ عشق "
وأجيكم في " الآماني سيل "
أجيكم ليل

أجيكم والمَحَبَهْ ضَيْ
أجيكم والمشاعر فيض
أجيكم والوله فيني
يخرّبْ لِيْ صلاةْ الليل

أجيكم بَعد ِ ما وصيت
عليكم أصغر أحفادي
يسدّ النقص في حُبي
يشرّع خيمةْ اُفّـادِيْ
ويغنيني مع اَلْـ حَادِيْ

يقول : أبوي ..
يجي لِلْيْ يحبْهُمْ ليل
وآنا في حَزّةْ الرمْضَا..
وسموم القيض
بجيكم فَيْ
يا جْدَآدِيْ !

لملميني .. من شمال .. ومـن يمين= قشرييني .. للسوالف برتقال
ينتثر شِعِّري .. جناين ياسمين = يكتمل .. نصف البدر .. يصبح هلال
نبتيني ! النخل .. فيّني حزيـن=من نبات إيديك .. يحمر الخلال
أمطريني .. زي .. ماأنتِ تشتهين= خضري .. صحرا غيابـك .. كرنفال
إنشليني .. من .. متاهات السنين=مآتم الأشواق .. سويه إحتفال
بهريني ، عطريني .. بالحنين=علميني .. كيف تبهير .. الدّلال
رتبيني .. من قبل .. لاتسافرين=لبسيني غترتي .. ويّا .. العقال
إحمليني .. وين مارحتي .. جنيـن=حلم .. والا .. علم .. والا .. في الخيال
هدهديني .. فـوق ظهري .. والجبين= بالركاده ، بالهداوه ، بالعـدال
مهديني .. زي .. فعل الأولين=وأحضنيني .. بالحنان ، وبالدلال