،’

(1)
يوم ضاقت ..
قلت وينك ياالفرج ..؟
قال : جيت ..
وشفت حولك ألف صاحب ..
وخفت أسبب لك حرج ؟!
( 2 )
إرتكيت ..
بس وين إللي يشيل الحمل وينـ ه ..
وين ذاك اللي ذخرتـ ه للظما قطرات وينـ ه ؟
وين أبو الفزعات عني ..
ما قدرت ألقاه وينـ ه ؟
من لمحني فوق كف الموج ..فض
وكسّر ألواح الرجا بيني وبينـ ه ؟!
حزّ نفسي ..
غص في حلقي ورض
كل ضلع لي معاه .. وغض عينـ ه؟! .
يحسب إني مت هم ..
ولا درى إني حيْ لكن ..
مِت من خنقـ ة يدينـ ه؟!
( 3 )
يالفرج :
صاحبي ما شفت زولـ ه..؟!
من فقدتـ ه يوم شده ..
بس لوجاني على قلعـ ة عيوني ..
حالف إني ما أرده .
والموّده يالفرج هيّ الموده ..
صاحبي .. مالي بصده
صاحبي روحي عرينـ ه ..
ولو نصاني والنواصي عشب قبري ..
والله إني غصب لأحيا ..
ثم أعينـ ه ،
( 4 )
إرتكيت
وطحت
( والجلمود ) ناخ .
آه يا كذب الليالي البيض ..
آه يا ظلم السباخ ؟!
من مشاها ولا وراه زنود تبري الكبد ، داخ .
يا كثر ما خيّبت ظن اللبيب
ويا كثر ما غيّبت وجـ ه قريب
ويا كثر ما شاف منها ..
صافي النيـ ة وشاخ ؟
إرتكيت ..
وأثر ظلي مايمون ..
وأثرني كومة طعون
من غلاة أصحابها ..
ما قدرت آقول : آخ .
( 5 )
لي مبادي ..
وصاحبي لو جار منْـ ه الجور عادي
وصاحبي لو هو خذل رجواي عادي
وصاحبي لو هو بخل برضاي عادي
وصاحبي لو هو قتل ذكراي عادي
وصاحبي ..
يبقى العزيز الناصع إللي لـ ه ودادي
ودام أنا ستره وثوبـ ه
صاحبي ما آقول عنْـ ه أبدا وتوبـ ه
يا هلابـ ه
وبعيوبـ ه
وبذنوبـ ه
يا هلا ..
إن وصلني يا هلا ..
وإن قطعني يا هلا ..
صاحبي وإلا فلا .. وإلا فلا
والغلا نعمة كريم وساقها لكل الملا .
(ودام لأهل الأرض رب )
يا الفرج : حاول تحب
ولو تشوف أصحاب واجد حول قلبي ..
لا تعاند!
السواعد من سراب ..
والحصايد من يباب
والشِعر كذاب .. ؟
خل فتّال الشوارب خاذلينك ..
ولا تخاف من الحرج .. لو قيل وينك ؟
كلهم مثلي تراهم بالنهايـ ة طالبينك ..
طالبينك يالفرج ..
ويوم ضاقت ..
قلت : وينك يالفرج ..؟!
قال : جيت .. وشفت حولك ألف صاحب ..
وخفت أسبب لك حرج .


،

كَمْ بَدت السماءُ قريبـ ة *