يا رُفات الطيش في تابوت الاحلام البري
من خذلني بالبدايه .. كيف اصونه بالأخير ؟

ما بقى لك غير بعضي .. واستميحك باكثري
ضاع .. مثل النور لما ضاع عن عين الضرير

مثل ما ضاعت عصافيرك عن اغصان شجري
مثل ما ضاع الامل عن صبح شباكي الصغير

وما بقى لك غير سالفتي .. وشعري .. وصوري
سولفيهن .. للشموع الحمر .. والفرش الوثير

للستاير .. للأساور .. للحاف السكّري
للهدايا .. للتحف .. للمزهريّه .. للسرير

واوعدك .. وقت الحصاد .. اتجاهل الجوع / العُري
بس لاجل اكتب حروف اسمك بحبات الشعير