,

سولفي
تسكت عصافير الأغاني
تستمع لك .. لحظه
ولحظه .. تغير
سولفي
يتساقط الورد
وتفوح السالفه
عطر .. وعبير
إنتي فتنة هـ الحكايا
إنتي أجمل من معاها لو حكت
تحكي المرايا
إنتي أحلى
وإنتي غيييييير

من سواكي إنتي على صدري رحاب
ـــــــــــ , ومن سواكي إنتي ليا غبتي .. أضيق
سولفي لو ما أستمع غير العتاب
ـــــــــــ , يا عتابك ..! لو قسى .. يبقى رقيق

سولفي
يا أصدق من الما .. والنهار
يا إنتصار لـ شيّ .. موته !!
لو خَذَلْهْ ..( الإنتصار)
يا حضورٍ ما يشابه
غير .. " نور "
ويا حريرٍ ..
يختبي تحت الحرير
سولفي
ماعاد تطربني .. أغاني
صدّقي لو قلت لك : قبل أسمعك
من جدّ .. " أعاني "
دام في صوتك بحر عذب
ونوارس..
مو غريب أتوحّد بهذي السواحل
والمواني ..
يا قريبه
يا حبيبه
يا وطن شاعر
حلف ياخذ من الدنيا .. نصيبه
يومّ حزنه يسلبه بالطيب ..
وإلا بالغصيبه
يا رحيبه
كلّ هذا الكون ضيق
وكل وجهه .. غير وجهك
ما توصلّني لـ قلب إنسان عاشق
أو رفيق
كلّ هذا الكون منفى
ووجهك إنتي بسّ .. لـ عيوني
وطن غالي .. وصديق
سولفي
عن ليلك المسدول فوق الصبح ..وإلا عن سحابك
عن قصّة كفوفك معَ . داكن خضابك
سولفي
عن أي شي إلا غيابك
...عن أي شي إلا غيابك
......عن أي شي إلا غيابك

سولفي


,