 واذا يعني تضايقنا : )
واذا يعني تضايقنا !
بنغير شي !
واذا مات الزهر ف أجمل حدايقنا
بنغير شي !
واذا بهدومنا ضقنا
بنغير شي !
كثير نمر بعض أحيان بضيقة بال
زعل صاحب
ونزعل حيل نتضايق
واذا يعني تضايقنا !
واذا يعني تضايقنا !
هي الضيقة بتكون الحل !
اذا كانت شموس الوقت تحرقنا
هي الضيقة بتكون الظل!
اذا غابوا جميع الناس وتفارقنا
هي الضيقة بتكون الخل !
واذا يعني تضايقنا !!
وكثير من التعب ذقنا
وسهرنا الليل
بيجي صبح ويفرقنا
ونبكي سيل
لين الدمع يغرقنا
ولابه شخص ف الدنيا بليا هم
هموم أكثر من اللازم وتخنقنا !
سؤال الحال .. واذا يعني تضايقنا !
من اللاشي
الى اللاشي
على اللاشي
تخانقنا
واذا يعني تضايقنا !
واذا راحوا
وبعتب خلونا
نسوا كل الكلام العذب
بكونا
وقالوا بيوم بأنا نهمل
ولسان حالهم : خذلتونا
واذا خيم علينا الليل
مااشرقنا
واذا ضقنا
وصار الحرف حبال في مشانقنا
بعد هذا .. واذا يعني تضايقنا
وطفينا دروب النور
وعتمنا
المدن والدور
ويتمنا
شجر وزهور
وكتمنا
رقيق شعور
عشان أشياء هي الأتفه من الأتفه من الأشياء
وبعد هذا
واذا يعني تضايقنا
وطيرنا فراش النوم
ومسحنا كل الوانه
واذا سيطر على جوك حزن ووجوم
وبديت تفسر الأشياء على كيفك
كثير أشياء غلط حولك
وجوه الناس
تعبانه
قلق مدري طفش مدري تعب مدري قرف
مدري ترف
مدري الناس زهقانه
كثير أشياء تزهقنا
واذا يعني تضايقنا!
حبيبك جفا
وقلبه قسا
وقلبك يفيض احساس
واذا يعني قصرنا بيوم لأمر ما
تعبنا
وطار نعاس
واذا فينا خنقنا أنفاس
وحلقنا
يتغير شي اذا يعني تضايقنا !!
واذا يعني تضايقنا !
ماهو حتى المطر يهجر حديقتنا
وتنبت فينا ضيقتنا
وتغرقنا سيول الملح
والدمعة صديقتنا
ولابه شخص ف الدنيا تهمه ضحكتك غيرك
لذا اضحك
ولاترمي بذور الشر في خيرك
لذا اضحك
وقول بحب
واذا يعني تضايقنا ! *
____________________________________
أنا لحبيبي وحبيبي الي : )
 *
، http://www.formspring.me/Hemo0o0o07 |