27- أعيش الحالة اللي تتلبسني بضمير : لما اتعب اتعب ! لما ابجي ابجي ، لما انهار انهار ، لما اهستر اهستر ، لما اضيق اضيييق حد اني ممكن اصير سمول بدل الميديام (: لما افرح افرح لما أطير أطييييييييييييييييير لما ألعب ألعب لما أروّق أروّق لما آكل آكل لما أغيب أغيب (: ، أعطي الحالة حقها من الاستحواذ عليْ ، ماخليها تطلع برا عني الا و هي مطيبه خاطرها ع الآخر .
28- احب استحوذ اهتمام عايلتي ب إفراط ، ممم! غيرة ؟ غيرة على كُبر ؟ غيرة من اخواني ؟ ممم يمكن! ـ بس الاكيد أحب أبالغ ب المرض أبالغ ب التعب أبالغ ب الزعل أبالغ ب النوم أبالغ ب التأخير برا ! أحب نظرة الخوف عليّ بعيونهم لو كانت " أنانيّة نَفس " ، لكن استبشر إنها حالة محصورة ع هالسن بس و الحياة الحالية اللي اعيشها ، اكو اشيا بالنفسية مثل لعبة البزل تحتاج انك تبعثرها و ترد تيمعها من يد و يديد مو لأنّك تحب تعيش فوضى وحيرة وتتعب لين تحلها بس تبي لذّة تفرفش حياتك! احيان حياتك لما تفتر حوالينك و ماتقدر تصيدها تحس ب لذة لو كانت لذة تعوّر بس لذّة صيدتها لذّة !
خاصةً لو كنت البجر ! لا اكثر يا بابا (:
29- عندي قلوب وايده ! مع كل سين بحياتي اعيش بقلب يخاطبه وحده بآلية تخصّه بمود يخصه بنبض يخصه بروتين يخصه بانفعالات تخصه حتى شخصية القلب تتزن ع حسب السين المُخاطب ! ، حالياً وايد من قلوبي ماتت و ترمدت بعد و ياها الواوي وكلاها و عَشّا عياله فيها بعد (: ، أما الباقي : اثنين ونص .
30- تحوشني حالات تبلّد وايده هالأيام ، للحد اللي نقول فيه : مانبي من هالدنيا الا السلامة وعساها بس تعدي ونفتك !