كميّة الاعترافات الل داهمتني اليوم يا نادل ,
أكبر من عِجاف كنت أعيش به فتره مش قليلة أبد .
حجم السوالف الل مرّتني كبير كبيير , و صدر استجابتي صار ضيّق يا نادل .
ما توصله ردّات فعل نبضي بسرعه !
من زمان ما نبضت و هو ما بعد استوعب نبضات كثار ورى بعضهن !
هو بَه أحد غيري ما ينبض يا نادل ؟
تدري !
ما هقيت بـ ألقاني شبعانة قبآل هالأشيا الل كنت محتاجتها !
تهقَى طووولة بال الجرح خلّته يعاف لصقة تداويه ؟
ليش ما غسَلت حكاوي الأعذار وجه العَتب يا نادل ؟
من خثّر مُبالاتي و وش سيّل دم بلاهتي ؟
هو بَه عَتب يشيب ؟ وجه العَتب شاااب يا نادلي .


- الل عرفته مداين راحة !
وراه الخاطر يحضن تعبه خايف ؟
ظنّك اعتراف اليوم خدّاع ؟
ظنّك أظل ساكته و ابتسم و أعيش الضيقة بـ زاوية غرفتي وحدي ؟
هو أسلَم لي لو ما حكيت يا نادل ؟
و إلا الحكي قادر يكشح وجه جهلهم بـ ماي يصحّي عيونهم الل عجزت تشوف ذبولي ؟
شايب غبينتي ما بكى للحين يا نادل !
هي الحَشيمة لي و إلا لـ شيبته ؟
ظنّك وين آبتكسّر ؟ *
مو هذي هقاوي البدر يا نادل !
فيك تنحتها ع خشب طاولتي , الل طارمع الريح غبار هقوتها !
ودّي أهوي بصدر هَويييت اعاقاته .
هو بَه صدر غيره قادر يحلّ مكانه لو بس الليلة !




- جيت أهذي بسْ .
خلّ القهاوي و العصاير و الـ كوب كيك , ل خلي بال غيري نادلي .
أنا محتاجه ( فَم ) .
عندك فَم , قادر يسولفني و اسمعه ؟

[ ]