آووووه
ايه النور ده كولو
أحلى شي لما أدري أنّ أعمالي تلامس أعماق ناس مثلج
س1 :
ممم ع حسب بس ماكسمم 5 ساعات ، يمكن اللي يساعدني يكون الوقت سريع جذي أنّي أمخمخ ع الفكرة و أرسمها مع تجميع المستلزمات بعدين أبدا
س2 :
دورات معاهد نو ، لكن أساسيات الفوتو و التعامل مع هالبرنامج عن طريق مدرسة خصوصية يتني البيت :$ ، عطتني أساسيات الأزرار و الاختصارات و وبسْ ، بعدين بديت بمواقع مخصصة لعالم التصميم فقط لا غير ، كنت أطبق دروس كثيييييير لحد ما حسيت خلاص ستوب ، والشي الأهم من كل هذا المتابعة .. كثير اتابع مستجدات هالفن سواء الفن التشكيلي أو الخط العربي أو مخرجات الفوتو العادي جداً تعطيج ايحاءات غريبة و يديده ع الساحة
س3 :
1- تتعلمين أساسيات البرنامج + اختصارات الأوامر و طبعاً بالانجلش لا تحولين الفوتو عربي لأن ابداً بالعربي ماراح تستفيدين كل الدروس و الدورات ع النت بالانجلش
2- تعرفين شلون تضيفين فرش / الباترن / الشيبز / الستايلات / الخطوط
+ شنو الفرق بين البرشز و الباترنز و التكسترز و الشيبز و الافكت و الستايل
3- تعرفين شلون تسوين باترن خاص فيج عاجبج و تبين تضيفينه لقائمة الباترن عندج أو شلون تخلين شكل عندج برش تضيفينها لقائمة البرشز .
4- كل هالأشياء موجوده ع النت سوي سيرج بيفيدج
5- تعرفي ع فن الكولاج و عالم السكرابز - عالم التايبوغرافي - عالم الرسم الضوئي - عالم القص و الدمج .. يعني تابعي لين تستشفين شنو الشي الأسهل لج بالبدء ، انا مثلا بديت بالقص حسيت وايد يستهويني رغم صعوبته حبتين .. بعدين ملت ع الكولاج .. و آلحين ع التايبو و احس خاطري بالعالم الضوئي بس لسه يبيلي خخ
+ حتى لو مثلا ملتي للكولاج أوّل شي ، لازم ع الاقل تعرفين أساسيات القص .. تصير ايدج مرنة مع التمرين .. أيضاً شي مهم بالقص تتعرفين ع أنواع الفرش ، اكو فرش تنعم و فرش تبهّت .. اللي تكون سودَة خالصة هذي مفيدة للقص أما اللي اطرافها باهته هذي مثلاً للدمج بين خامتين تبين تذوبين الفاصل بينهم .. و طبعا عشان تقصين لازم تكون مكبره مساحة شغلج فوق ال 600 بكثير ، هذي كلها أساسيات موجوده ع النت بكثره
6 - اسألي شخص متخصص بأي شي يصادفج ، خليلج شخص ترجعين له بأول مشكله تصادفج ، لأن انا كنت ملوله حيل أي شي مشكله ايرور يصادفني وماعندي احد له خبره ع طول اطلع من الفوتو لمدة سنه هالحاله لين يبت المدرسة و كان حواليني مصممين خبرتهم ع قدهم نتساعد .
[ و طبعاً أنا ممكن أكون مرجع كبير لو حابه .. :$ ]
7 - تمرين تمرين تمرين .. قد ما تقدرين ، انا التصميم كان تحدي بالنسبة لي ، حتى اللي تحدوني تعديتهم خليتهم ع وضع ورديت لهم واهما ع نفس وضعهم ، بعدين التصميم بحد ذاته تعبير صامت و مريح في آن واحد .. كثير أفكار نخجل نترجمها نصوص لكن بالتصميم نخرجها و احنا أبداً مو خجلانين و متطمنين أنّ الفكرة ستصل ستصل
س4 :
اسويه ابـ كَف
ع ايدينج طبعاً .. ما استربح أنا :$
انتو ربحي
مُنى عيني اسويلج + بس متى حدي تشوقت :$ ؟
س5 :
هاتيه بسسسسسرعه

صباحج فل و ياسمين يالزيز يارايق

مهما تعارفنا يبقى المزيد ممّا نخفيه عن الجميع .

لساني حصاني