1-
عميقة جداً , يعني أفكر كثير أقلب الاشياء من كل الجهات
أخذ كل الأبعاد للمشكلة او للسالفة او للشخص !
2-
متفائلة جِداً , لدرجة ان البعض يشوف هالشيء فيني غباء !
لكن أعتبرة ثقة تامة برب العباد ...
3-
مبتسمة , مهما كان داخلي حزين .. او مجروح
أحاول بقد ما اقدر إني أبتسم .... وان استصعب علي هالشيء
اتوارى عن الأنظار لحين عودة الإبتسامة ! : )
4-
أعرف طينة الناس ... ذكية من هالناحية
ع كثر الناس الي مرت علي .. أخذت هالخبرة !
دائماً ما اقول هالشخص ما ارتاح له .. ويقولون لي حرام عليك !
يجون بالنهاية لي ويأكدون أني صدقت يومها !
5-
ملول !
أمل بسرعة ... وهالشيء أعتبرة عيب فيني وكبير بعد
لاني أطفش الناس الي حولي
مثلاُ لما ابغى اروح مكان معين , واكون جدا متحمسه له
بمجرد اني ادخل المكان واجلس فيه شوي
اقولهم , ابي اطلع !
بس الان صرت اسكت واخليها بداخلي واتحمل عشان ما يذبحوني 
6-
أتغافل !
وهالشيء تحديدا من جانب الاشخاص الي أحبهم
فـ مثلاً ان كذب الشخص الي قدامي , أو خبى عني شيء عظيم من حقي اعرفه ..
بحكم قربي منهم أكون جداً فاهمتهم ...
ما اجادل ولا أحب توضيح كذبهم
,, أسكت ! وبداخلي أتحسر عليهم !
7-
خجولة 
خصوصا مع الناس الغريبة عني , وعشان كذا اترك إنطباع اني متكبرة ومغرورة ! للناس الي اول مره تشوفني ! بس بمجرد ان هالحياء يزول شوي ... يتغير إنطباعهم عني 
8-
مجنونة جداً جداً
لدرجة أوقات يشوفوني ( بايعتها ) لكن بالعكس احسب للأشياء الف حساب ... قبل ما أبيعها 9-
أتشابه مع منيرة بنقطه جداً قوية ذكرتها
{ حتى لو أشوف شخص مثلاً على علاقة سابقة معاه صدفة بمكان ما أسلّم وأسوي نفسي ماشفت مو كِبِر و لا خجل احساس له دفنشن ماله اكسبرشن! أهون عندي هو ينتبه لي و لا أنا !
- لو زميله مثلا قبل شوي بكلاس تستفسر و نسولف بنقطة و شفتها بالكوفي آسوي جني ماااشفت! مادري هذي الحالة شنو اسمها / وصفها! بس من عمر لصيقة فيني مو شي يديد تصنعته ع كبر! } فـ منور إذا لقيت وصف لهالحالة وسبب لها , علميني لانها جداً غريبة ..!
10 -
أكره جلسات الحريم وسوالفهم , طبخ , أزياء , حش !!!
وأكره السوالف الراكدة ! العادية جدا امس رحت لكذا وكذا وسويت كذا وكذا ! طيب وبعدين !!! احب النقاشات , تحمسني جداً ... و السوالف الي تثري معلوماتي أحب السوالف عن كتاب حلو , فلم مشوق , موقف غريب صار !! 11-
مزاجية
جداً جداً ... يعني فجأة مزاجي قلب
وش السبب !! الله أعلم !! و مزاجيتي تجي أوقات ع أشخاص معينة ممكن اليوم احب هالشخص بكرا ما اشتهي اتنفس نفس الأكسجين الي يتنفسه !! لكن هي حالة وتمر ... فـ على شان كذا بعض الناس يبادروني بمحبة وانا اقول بنفسي ... أحمدو ربكم اني أعزكم بس ولا كان كرهتوني إن حبيتكم !! 12-
بما اني مسميه نفسي صَمت ! فـ لي من أسمي الكثير .. طبعاً ناهيكم عن هذرتي الزايدة هنا لكن أنا من النوع الي ما احب اتكلم كثير خصوصاً جوال , مسن , الخ ! لدرجة كثار يستغربون اني اطول ما ادخل مسن ... ويشكون اني معطيتهم بلوك مثلا أو ان فيني شيء عشان كذا ما ارد ع الجوال .. !! و يكثر العتاب انك ما تدقين علينا وانك ما تبغينا ووو !! خصوصاً من الناس الي ما تعرفني ! أما من الناحية ان زارنا احد او كنا بمكان يكثر فيه الناس ,
ولازم يسمعون صوتي !!
فـ تشوفوني كل شوي ابعد .. عنهم اخذ نفس شوي عشان اسكت : )
لاني ان سكت بينهم ... يبدأ وجع الرأس وش فيك !!! متضايقة !! ووو !!
13-
أحب الذكريات
لدرجة كل شيء أصورة مهما كان الموقف , والمكان
أحتفظ بكل شيء من الماضِ واعتبرة كنز ثمين لي !
لدرجة فيه اشياء محتفظة فيها غريبة جدا لكن احبها .. وارجع اشم ريحتها ,
وابتسم !
بإختصار جداً وفيه لكل يوم لكل ذكرى لكل شيء أهداني الفرح حتى لو للحظة !
14-
ما احب التقيد أبداً ما اطيق أحد يقيدني لذلك أنا من الرافضين للزواج 
مما يجعل أمي وخواتي ودهم لو يربطوني ويرموني ببيت الي يجي يخطبني 15 -
متحررة ببعض أفكاري
هذا ان ما كان كلها !
يعني اكره العادات التقاليد الي تقيد المجتمع الي هنا
أكره أغلب أفكارهم .. خصوصاً الناس الي من عمري وتمسكين بأفكار وقناعات أجدادهم !
منيرة
نشرتي غسيلنا يا حلوك وربي 
رُبما أعود !