باقَة من بنفسَج فاحت بهِ مشاركة البهيّة نجاح الحَربي :

حكاية عشق .. واحلام .. ومؤاني شوق ياجده !
...................... نوارس ذكريات .. وأمنيات .. وساحلٍ مزحوم !!
بحرك اللي يشيل [ اوجاعنا ] مع جزره ومده !!
...................... تبسّم [ للشموس الغاربه ].. لوّ هو غزير هموم !!
يقول فخاطره :[ هانت .. قريب وتنجلي الشده ..
...................... وتضحك لك عيون الصبح .. لو تزخر سماك غيوم ]!
وربّك آشعرك ورده ... وحبّك ..[ هالكثر قده ] !
...................... وربّك ليلك الساحر .... كأنه عاشقٍ محروم ..!!
جفاه النوم ! حتّى التمع شوقه على خده ..!!
...................... نجوم اتراقص القمرا .. وتنثر فالفضا يشموم !




هنا برد .. وهنا ورد .. وهنا رمان !
.......................... هنا حتى الحزن ما مرّني خايف !
تملكني شعور إني بلا جنحان ..
......................... آشــوف الغيــم تحتي والنوايــف ..
هنا فعلا شعرت لهفة الاغصان
.......................... وهي تورق من الفرحة هنا الطايف !





حبيبي طااار عن غصنك حمااااامي !
........................ بعد ما افزعته [ الآمي ] بصيييحه ..
وتسأل بحـّـتي ليييه .. وملامي ؟!!
........................ وحبّك .. [ ورد ذابل ] .. دون ريحه !!




روح ي الله ولااا تطيييييح !
لو تهبّ الريح في ليلة وتذكر !
ثوب زهري ..
لو لفحك الشوق ،

عطري !
وامتلأ وجهك شحوب !!
قول انا ما كنت عاقل !
كنت انا [ اكبر ] كذوب !





ماتشوف إن غيبتـك ماخلّت ..[ بعيني ].. كلام ..!
...................... ماتشوف إن السهر .. ماخلى فيني عافيه ..!
ضمّني مادام جيتك .. خلّني بقلبك انام !
...................... ولا اسئلك الشمس عني .. قل تراها غافية !!





جنّيت وانا ابكي .. وظلي تضايق !
................... اتعثر بجرحه .. واعاتب رصيفي ..
وصّلتني لحاله بهالصمت .. بايق !
................... يسرق من اوراقي بقاياااايا حفيفي ..!!





شارعك مظلم وبيتك صار ..[ للذكرى ].. رهينة !
................... والشجر ذابل .. تبعثر ضيقته .. يدّ الرياح ..
عند بابك .. ماتت الأحلام .. شابت ياسمينة ..
................... كانت تغنّي احبّك .. كلّ مايصحى صباح ..!!




مشتاقة لصوت ابوي اللي رحل بدري ..
...................... مشتاقة لعمري اللي مـرّ .. بغيابي ..
اعوام .. لاغيث هلّ ولاضحك فجري ..
...................... ماتت طيور وتبعها الورد بترابي ..!





حطّمتني ! شفْ لأمنياتي صرفة !
........................ ابني بها بعد [ الفراق ] اسواري !!
ماكنت ذنبٍ فـ الظلام .. اقترفه !!
........................ كنت البسك طُهر ونهارك .. عاري !





انت ضاايق ياحبيبي ؟!!.. انت تبكينــا ؟!!
.......................... شفت منديلي .. ودمعك لهفـه .. اترقرق ..!!
نام ليلك ... وافترش حزنــه اغانينا ؟!!
.......................... هدّ حيلك .. يسـأل عيونك " مـتى تشـرق "؟!!
قول " راجع " ياحبيبي .. قول يمدينــا !!
.......................... لا تقول إنّا [ وصلنا ] لأول المفــرق ..!!





في غرفتي أشيااااء .. ماعاد تضحك لي !
دفتر [ شعر ] باكي !
أحلام ذابت همّ ، اتحاول ارباكي !
شمع انطفى .. قبلي !!
[ اثواب ] كنت اضمّها .. وامشي على مهلي ‏‏ !!