قبل النوم ممكن و وارد جداً ينقسم الراس لثلاث فلحات :
فلح شروي
وفلح غروي
وفلح شرغوي
وتفكّر فستين شغله ب وقت واحد .. تحس راسك قطعة أرض كل حتّه فيها تحترق بكل ذمّة وضمير .. تفكّر بموضوع ما و فجأة يطلع ف الموضوع شخصيات و تتحاور معاهم دماغياً و الموضوع الثاني / الثالث له شخصياته و تتحاور أيضاً دماغياً و تمسك خط ف السوالف من كل جهة ف عقلك / مخك شخصيات ما و مواضيع ما و و و و و ..... المخ كلّه يحترق و كل حتّه شغّال فيها موضوع ما وشخصيات بترغي!
بالعربي : حزّة النّوم وايد شغلات تنط فراسك و وايد تهذر مع نفسك .. مع نفسك .. و ف الأخير تكتشف أنّ الشخصيات ماهي إلا بأَنتْ .. إيه أنت لا تستغرب , خلعت ذاتك على ناس وهميين / حقيقيين و طحت فيها نقد و هجوم أو تدريب لها ع التعايش بمثل هالمواقف و هالناسات وردات فعلهم ! تسوي قصّة من لاشي! و ممُكن تفلّم ع روحك بالظلما و محّد درى عنّك .. هواله ياكافي !