مُنتدياتْ بوُووح الأدبيهّ - عرض مشاركة واحدة

ســـاره . · #**894** (**permalink**) 10-05-2011, 01:51

الزواج أو العرس .. شيء لطيف جداً بس احنا شعب عنده حساسيه حاده من هالموضوع : )
ناس تقول انه نار : )
وناس تقول انه جنه : )
وناس بين وبين : )
والأغلب مو راضي عن الحال المؤدي له الزواج ..
يعني تلاقينهم طول الوقت متذمرين يطالبون بالمستحيل لازم تكون الحياة الزوجية شيء اسطوري يذكر في المجالس وكل الأحاديث والحكاوي والسوالف والمسجات : )
لازم يكون الزوج شيء خيال . سوبر بيرفكت , مامثله أبد زيّ .... إلخ
والزوجة لا تقل عنه بشيء : )
طيب ليه ماترضون بـ أن الحياة حلوه ومره !
يعني إذا حنا في بيوت اهالينا نلاقي بعض من الهوشات والتعصيبات والأوامر اللي ترفع الضغط !
واول مانوصل لحدنا من الوضع المنزلي تلقون البنت تقول على طووووول وهي تتحلطم :
اوف متى اعرس وافتك ؟
صحيح ان بيت الأهل جنة لكن ايضاً بيت الزوجية جنة .. كل شيء يرتبط فينا
احنا اللي قادرين نعمر وقادرين ندمر
مثل مو مريحين في بيت اهالينا نقدر ننقل هالراحه للحياة الأخرى !
الزوج + الأبناء .. استقرار
مثل بيت الأهل بالتمام
لا فرق بينهم أبد والله !
فقط بال طويل وقلب كبير : )

الحياة عموما تحتاج مننا البال الطويل والقلب الكبير
لو فكرنا فيها هي معادلة بسيطة جداً
لكن احنا كذا داىماَ نرى الأمور من الجانب الضيق والأسود
الحياة لونها أبيض وتحتاج من أناملنا خطوط انيقة لو تكرمنا
الحياة بالأهل جنة
الحياة بالزوج جنة
واتوقع الحياة من غير لفظ ماما شيء مُتعب والله ,

لا نقول والله ما ابي رجل يتحكم بي ويتفلسف علي وين رايحه وين جايه وانا ابي وما أبي ... إلخ
حتى الوالد الكريم ما أظن بيخليكم تفكن السبحه
لابد من المتابعه والتدقيق !
فـ لو انعم الله ذات يوم على احدى الفتيات بالأرتباط ماودي تاخذ هالأفكار معها لأنها بتتعب نفسياً وبشرتها راح تذبل وتكثر التجاعيد واظافرها راح تتكسر ناهيك عن الصوت اللي ممكن يصير مطبات هواىية عنيفة وتساقط الشعر .... النحافة الزايدة او السمنه المفرطة .. إلخ
فـ اتمنى منها إنها تتنفس الصعداء وتقول انا قادرة أكون جنتي

كني تحمست حبتين ي الربع : )
مفعول اول يوم من غير البيبسي ...
بس مختصر الحديث < بدري
كل الأمور بين ايدينا
واحنا قادرين نعيش بـ جنة أو نار

ودمتم سالمين .. محد عليه باتسر اختبار