 رد: قهوة ع مفرق طريق .
تعال أحكيك يا نادل تعال احكيك عن بلادي
كان أحلى شي صار معاي أنو سافرت لغزة
كانت أول مرة وكانت ضد رغبتي..
بس هلأ بدي أروح مرة ومرتين وعشرة
رغم انقطاع الكهربا ثمن ساعات يوميًا
رغم الطيرات الإسرائلية اللي كل ليلة بتضوي بالسما مع النجوم وصوتها المزعج
رغم تعب الطريق والبهدلة بالمعابر.. رغم انو المصريين خلونا نروح تلات أيام نقضي تمن ساعات بإنتظار وبالأخر إشارة يد من ضابط مصري بنرجع...
رغم أنو اصلاً دخلنا غزة بعد مارشينا الضابط بمعبر رفح المصري
رغم الرعب اللي حسيتو بس طلع علينا من صحرى سينا قطاع طرق بالبنادق بس الله سترنا منهم
بدي أرجع لأنو سما بلادي غير لأنو هوى بلادي غير بحر بلادي غير
وحنييييت لبلادي حنيت للمشي بالشوارع حنيت للشجر حنيت لبساطة كل شي هناك حنيت لحكاوي الناس عن الحرب وكأنو الفقد ما كان قريب منهم والموت ماكان موجود
إيمانهم بأن الموت بس يجي ما هيشوفو ولا هيحسو فيه لأن الصاروخ اللي هينزل عليهم ما هيسمعوا صوتو...
وبيوجعني انو ماقدرت اوصل لقريتي لأنها تحولت لمستوطنة اسرائليه
بدي أرجع يا نادل لأنو كنت مفكرة حالي مابعرف الغربة بس حسيت فيها
بعد ما شميت ريحة هوى بلادي.. يارب الأوطان رُدنا لأوطاننا. ____________________________________ إذا بالغتُ في الماضي بِحُبّي ... فلستُ عليه أندَمُ رغمَ بؤسي ... و لِي ندمٌ وحيدٌ : ليت أنّي ... كما أحبَبتُكمْ .. أحبَبتُ نفسي ميسون سويدان |