بيدي رميت القلب فـي وسـط نـارك
........... و أقفيت يا ظالم وأنـا فيـك مفتـون
إنهـد حيلـي فـي عــذاب إنتـظـارك
............و أخفيت جرحي مابي الناس يدرون
أرمي سلاحي واعتـرف بانتصـارك
..............ابكيت من يضحك على اللي يحبـون
مـتـى تخـفـف لوعـتـي باعـتـذارك
...............اشوفكـم مـره علـى الحـب تبـكـون
أنهـيـت قـصـة حبـنـا باخـتـيـارك
.............وين الصبر يا قاسي القلـب وشلـون
يازيـن قلبـي مـن هـواك استجـارك
..............حبك عسرني ماطوى القلب بالهـون

مـمـا جــرى ياصاحـبـي لا تـكـدر
حزنـي طبيعـه ماتـعـودت الأفــراح

الصـبـر ينـفـذ والغـرابـيـل تـكـثـر
صـار الأمـل لليـاس والهـم مفـتـاح

ابكـي شبـابـي وأشتـكـي وأتـذكـر
وقـتٍ مضـى ليتـه تـوقـف ولا راح

ابكـي شـره وابـكـي نــدم واتعـبـر
من حر مابي ليت من مـات وارتـاح

طبـع الـو فـاء يانـاس فيـنـا تغـيـر
حتى الو فاء مسكين من غدرنا طاح

الله مـعـك مابـيـك مـنــي تـعــذر
يكفين عنك اسهيل والطيـر لا نـاح

يمـك حـدان الشـوق مـا نـي مخيـر
واللي حداه الشوق معذور لـو صـاح

أنا تعلمت الجفا من تغليك
......... ومن المذلة والخضوع انتهينا
من كل قلبي يشهد الله ناسيك
........ غير الضياع بحبكم وش لقينا
ذيك المحبة حطمتها لياليك
............ وحنا على قبر المودة بكينا
ابحتفظ في عزة النفس مابيك
........ بالناس نلقى اللي نبيه ويبينا
هدمت عرش الحب يا زين بيديك
...............بيعنا واليوم تبكي علينا
أنهيت قصة حبنا في تغليك
....... من بحر حبك بالنجاة اكتفينا
ذاب الحنين بعين قلب يراعيك
..... مثلك على النسيان والله قوينا

متى الشوارع تجمع اثنين صدفه
.................. لا صار شباك المواعيد مجفي