| |
 |  |  | ||
| |||||||
 |  |  | ||
| مَـاتْ حُـبكْ وإنتهينَـا ماعلىَ بالِي تجِـينْ !! حَدِيثُ أَرواحُنـَا / قصـائـد .. |
 |
| | | |
| | LinkBack | أدوات الموضوع | إبحث في الموضوع | انواع عرض الموضوع |
27-11-2008, 03:17
| ||||
| ||||
 حلمي المنفي !! . . ( 1 ) وطن منسي .. على الهامش .. ترنّح .. عـ البياض اللي رسمنا بسمته ليلة !! تخيّلنا الوطن غيمة .. ورى غيمة ورى غيمة ولكن .. أسرف بـ ضيمه !! تمنّينا بعض " أحلامنا " تكمل .. ولكن للأسف .. عيّا !! ( 2 ) وطن .. واحضن دفا أمي .. وطن .. و آشيله بـ كمّي .. بياض اكتب .. شجن / طاهر .............. تطيْح الفرحة من فمّي !! وطن أرسم .. حزن / ظاهر .............. تَنَرْجَست بـ عنا دمّي !! ( 3 ) همومك يا وطن .. أكبر ظنونك يا وَهَنْ .. أخطر ومن يقدر على لومك ..؟ و هذا أمسك و يومك !! وطن .. وانثر بك اشيائي ............... عَبَثْ .. يا سطوة السّكين !! وطن .. واستوطن اعبائي ............... ألمْ .. يا خيبة التخمين !! بس لحظة .. من يقول انك .. وطن ؟ ............... من يقول انك .. مكاني ؟ انت فـ الواقع .. كفن ! ............... انتَ لـ الواقع .. أماني ! ( 4 ) انكسر " حلمٍ " هقيته ..! ............... للأسف .. قدام عيني لين بـ / دموعي رويته ! ............... و للأسف .. ماعاد فيني للأسف .. ماعاد فيني انكسر أكثر أمامك ..! انكسر أكثر : أ م ا م ك .....................!  |
|
27-11-2008, 17:11
| ||||
| ||||
 مشاركة : بقايا .. من بقايا !! . . استاذي .. تتوارى اللغة خلف الستور خجلاً من عجزها عن التعبير أمام جمال ( بقايا من بقايا ) منذ البداية وأنا أتابعك بصمت .. وسأظل متابعة بصمت .. لـ جمال بقاياك  . . . أطيّر لك حمام البآل وَ أفقد كل ليله سرب ..!* . |
|
14-12-2008, 00:46
| ||||
| ||||
 الثريا . . بقى له قلب ينبض بي هنيّا _____________ و لو انّه بعيـدٍ ما تهيّـا ثلاث سنين ينبت في عروقي _________ غدى رمشي ظلاله لا تفيّا حلف بالله لـ ابقى في عيونه ______ و حلفت آصون عهدي له حميّا و لكن الزمان اسرف بـ غلّه ____________ و ضيّع مابنيته في يديّا على هون المصايب صرت اغنّي ___________ بعد ما طلت بايديني ثريّا ذخرته لليالي السود لكن __________ سواد الليل وقّف لي و عيّا بيبقى قلبه اللي قد ملكته __________ علامة فارقة فيني " هنيّا " |
|
15-12-2008, 13:24
| ||||
| ||||
| ضاع مصباحي !! . . مساءً .. و الفضا وجهك ! نجومك .. غزوة اشباحي ! غباءً .. تختفي عيوني ! و اصوّت : ضاع مصباحي .. من اللي حرّك اعبائي .. شياطينك / شياطيني !!؟ . مربوطة عيوني .. بارد جسد هـ الليل .. من كحّل نجومك ,, تحت الفضا العاري ؟! بعض الصبر حكمة ,, كِبْرَت مع الترديد !! تحت الجفون اطياف ,, علامة الـ " تغْريب " !! . دعاءً .. كان ترديدك ! غباءً .. ضاع مصباحي ! |
|
21-12-2008, 14:42
| ||||
| ||||
| رد: بقايا .. من بقايا !! أحمد المطوع دعني أقول لك بأنك شاعر لذيذ جداً من كان له متسع من الوقت ويريد .. تنظيم الدوره الدمويه وكذلك أفكاره ومعالجه شروده يأتي إلى هنا لـ الإسترخاء والله يا أحمد / كلماتك .. أجمل و أجمل وبقاياك هنا .. نأتي لتكملنا وأنت / أنت كن بخير ياصديقي . . عمر . . جرحي علاجه : طين أرجوك .. لا تبـ / طين . . |
|
25-12-2008, 20:13
| ||||
| ||||
| زهور آبك ! . . (( مدخل )) لَـ / بستيني .. لِبسْتيني ! (( فضاء )) و .. اتخيّلك .. مثل السحاب .. اللي نثر همّه على ذاك الطريق .. اللي نسى .. نا ! يتأمّلك .. و انتي مثل همّي .. اللي تلبّسني حروف .. و .. راح ينْثرني عليك ! و .. اتخيّلك كنّك مـَ .. عِك ! و الا مسا .. فاتِك ! خطوة .. خطوة امدّ لك وجهي .. و آآعلّقك آبك يزهّر .. يموت تَشْرينك ! اعْطَشِك .. و آآجوع / لك .. كنّي يتيمك .. لا من نبت فيني .. و جهك و هاجرني .. و آآلبّسِكْ وجهي ! و .. اتخيّلك كنّك رغيف ! و كنّي فقارى تنتظر .. تسْرق زمانك .. تآآآآكـ .. لك ! نَهَمْ .. نَهَمْ و ما تِشْبـَ .. عِك .. ! ليه انكسر و اتخيّلك .......... مثل السحاب و بارقه كنّي عطش يتأمّلك .......... صرتي شموسٍ حارقة ! ليه انكسر وانتِ السحاب .. اللي كسا لي أضلُعي .. و راح يتمادى بـ / الهجير .. خلاّني غارق بـ / ادمُعي ! هذا وجهك .. والا وجهي ؟ يا جهاتي الأربعة .. خامس جهاتي منكسر .. صدقيني .. لو تركته .. و إلا فـ / عيوني نثرته .. ما اقدر ابكي لك عليه ..! لين انكسر وجهك علي .. و جيتك ادوّرني .. خليني .. اَبْكيني يمكن الاقيني ! (( هروووب )) اسكني داخل عيوني .. ابعديني عن ظنوني .. لي زمن و آنا أغني : يا عنا .. ويني ؟ ضاعت عناويني ! |
|
03-02-2009, 10:51
| ||||
| ||||
| و ... ماتجين ! . . انتي لو ليلة تغيبي .. حتى جدراني اتْألّم !! و كل هذا الكون يصغر .. تذكرين .. لما قلتي لي بـ تجين ؟ صار كل الكون صدري .. وقتها كن الثواني .. خطوة الشيخ الهزيل !! لين ذِبْت بـ ساعتك !! و ما تجين .. و اجمع اعباء انتظاري .. و اذبل اذبل .. و ماتجين .. تذكرين ؟ أنا للحين ,, لو تدرين أمارس لعبة التخمين ! و اقطّف من ورق هـ التين .. و اعلّقها على الموعد .. وجهٍ حزين .. و ماتجين !! تذكرين ؟. |
انت وينك ؟ 
|
« الموضوع السابق
|
الموضوع التالي »
| الذين يشاهدون محتوى الموضوع الآن : 27 ( الأعضاء 0 والزوار 27) | |
| أدوات الموضوع | إبحث في الموضوع |
| انواع عرض الموضوع | |
العرض العادي
|
|
الساعة الآن 12:16.
Search Engine Friendly URLs by vBSEO 3.6.1