| |
 |  |  | ||
| |||||||
 |  |  | ||
| مَـاتْ حُـبكْ وإنتهينَـا ماعلىَ بالِي تجِـينْ !! حَدِيثُ أَرواحُنـَا / قصـائـد .. |
 |
| | | |
| | LinkBack | أدوات الموضوع | إبحث في الموضوع | انواع عرض الموضوع |
28-06-2009, 15:46
| ||||
| ||||
 أوشام !! . . هدّيت حلمٍ .. في يديني بنيته ____________ مسكين من يبني خياله على اوهام صحيح لو شفت بعيوني .. قريته _______________ لا كنّ قلبي ميّتٍ .. صار له عام بعت الذي ياما بدمعي شريته ______________ " لوحة يتيمة " .. كانت بيدّ رسّام و ذاك الطريق اللي لدربه مشيته ______________ قامت عليه بيوت و اسوار و اوشام شقّيت له صدر الجفا و اعتليته ______________ و شدّيت جرح الليل بسراج و حزام لا لا يجيني .. غاليٍ لو نسيته _________________ عينٍ له النيّة .. و عينٍ له حرام شفني أمامك .. ناسيٍ درب بيته ______________ بلساني اللي عن طواريه قد صام باقي كلام بخاطري .. ما حكيته _______________ تعال لحظة .. لا تصدّق هالأحلام ! و الله ولا به ليلةٍ .. ما بكيته ____________ دوك الوسايد تنتحب ( صارت .. وسام للدمع و احساسٍ بنفسي خفيته ) _________________ لو قلت لك ربعه و الله فلا تنام أهدّ عرشه و الغلا .. ما هقيته ________________ ملعون صير .. معلّقٍ فيني خيام منصوبة لـ حبّه و الاطناب صيته _____________ دِقّت بصدري من شهر و اربع أعوام دوك البقايا .. دوك ليلٍ طويته ________________ تقرا رسومه " كيّه بقلب منضام "! أجوع له و اشفق لريقٍ ضميته ______________ و احن .. و اكتم ضيقةٍ صارت الهام غلطان من قال الهوى قد رويته _______________ سلّم على قلبه .. ترى الوعد قدّام لا صاح ذيبه .. والزوايا وبيته _______________ و كل الفضا لا صار في عينه عتام ! وش رايك بقصر ../ بغرامه بنيته ______________ عرفت كيف الحلم يبنى على أوهام .؟!!  |
|
06-07-2009, 15:50
| ||||
| ||||
 إنتي .. وينك ؟ . . بين ايدينك .. ذآآآب فـ شفاهي العتاب : إنتي وينك ؟ و رحت اقبّل راحتينك .. و اسأل جروحي من اللي : أملك الدنيا فـ لقاها .. و في الغياب .. تمتلي عيوني رماد ..؟ و ينتهي عمري فـ رجاها .. تقول اِنتي .. و اقول اِنتي و احتفل هـ القلب .. يضرب و المشاعر .. يرقصون ! و هاجت الخمس .. الحواس إنتي وينك ؟ و ارجع اتأمّل يدينك .. [ لا تأمّل : كلّها ذكرى سنينك ] !! " هذا صوتٍ كان فـ اِذني " ..! و ارجع اسأل من جديد : من هداني العمر .. عمر من سرق هـ الصبحٍ منّي .. تردد الأشياء : اِنتي .. و اقول اِنتي ! المنافي .. خلّ وافي ! إلين ما بنتي !!لـ انسان ضاع من الزمن .. من لحظة فراقك .. أوااااه يا إنتي .. اسألي كل الأحبة : من شَرَقْ بـ اسمك .. و صار الحرف .. دمع ؟! من إذا غبتي .. يصير الصبح ليل .. و اوصد أبوابه .. بـ شمع ؟! من ملى طيفك .. فـ جدرانه .. مصابيح ! ترجع حواسي السبع : تقول اِنتي .. و اقول اِنتي !. |
|
20-07-2009, 10:58
| ||||
| ||||
| عَبَث طاووس !! . . ( عَبَث طاووس !! ) تصبّ الجوع في عيني مطر .. واقول زيديني ____________________ كذا و بكِلْ برود اضحك .. كأني " واحدٍ ثاني " ! تحاول قدّ ما تقدر .. تبعثر ما بقى فيني ____________________ و احاول قدّ مافيني ألملمني " على شاني " ! تمررني على ذاك اللهب .. بشويش تسقيني ___________________ رذاذ التوت ذوّبني .. و خمر التين سجّاني ! تغنّيني على لحن الطيور .. تعود تحييني ________________ و تتعملق كذا بـ صدري .. ملامح تعْقِد لساني ! تِنَرْجِسْني "عَبَث طاووس" .. ثمْ ترجع تورّيني __________________ مكاني بين قوسين وحنايا .. " هذا عنواني " لئيمة .. تَعَرْف شلون إلى غابت تخلّيني __________________ أغنّيها و اغنيني .. و ارتّل أعذب الحاني ترتبني و تآخذني .. لـ خلف الشمس ترميني ________________ طويلة رحلة الطاووس .. خطير المشهد الثاني !! شَغَبْ أطفال تكتبني .. بـ جرّة رمش تمحيني _________________ وانا واقف على حدّ الهدب .. يمكنّي القاني و ادوّرني ورى هـ التوت اناديني : أنا ويني ____________________ أليمة فكرة الموقف .. إذا قلبي تحدّاني كذا غنّيتها البارح .. كذا كانت تغنّيني _______________ عناقيد الرجا تزهر .. لا قالت لي : على شاني |
|
20-07-2009, 11:04
| ||||
| ||||
| ليل بارد ! . . ليل باااارد .. و اشتعلتك ! ذهن شارد .. و انطفيتك ! جمرة في وجه الرياح و .... زمهريرك ! اِحرقي شمسك فِـ شمسك .. و اسألي البدر البعيد .. من سكون الليل للفجر الجديد : هو في هذا الكون .. مثلي ؟ بترجع اشيائك تقول .. لا .. ولا فـ قلبه أحد .! ألبس ثياب الغياب .. و انزوي في وسط قلبك ..! ترجع وجيه الصحاب .. ما بقى لي غير حبك ..! أوقِد اطرافي هبوب .. تنتحر ألفين دمعة ... و ألف شمعة .. تحتريك ! من يدفّي الليل لا طاحت نجومك .... من يلمّك ؟ من يهندم للسما أجمل غيومك .... من يهمّك ؟ اِنزعي هـ البرد و اِلا .. اِتركيني للهبوب ..! أشتِعِل في وسط قلبك .. ميّتٍ ما حدٍ درى بي !. |
|
23-07-2009, 04:00
| ||||
| ||||
 رد: بقايا .. من بقايا !! والله كلمات منتهي الروعه والاحساس ياسلام يااحمد الله يعطيك الف الف العااافية يارب |
|
23-07-2009, 04:28
| ||||
| ||||
| رد: بقايا .. من بقايا !! .. أحمد .. أيها الرائع .. دعني أعيش بحرفك كمثل تائه أوى لمسكنٍ ..! دعني أتذوق روعة إبداعك بتلذذ ..! فحقاً ندر مثلك في الوجود .. قليلة هي الكلمات والعبارات أمام موهبتك .. ضعيفة هي الكلمات والعبارات أمام عذوبة قوافيك .. صغيرة هي الكلمات والعبارات أمام عظم مكاتيبك .. دمت بخير إلا الابد ... |
|
24-07-2009, 18:15
| ||||
| ||||
| أكون .. أو لا أكون ! . . رتّبت لك شيٍّ كبير .. هـ الصدر منزالك .. و القلب مجلسك و دمع العيون .. سحايبك مثل المزون ! و كل الجوارح أعلنت .......... في حضرتك معنى الخلود : أما أكون ,, أو لا أكون !! هذي الطعون .. الكراسي ! تخيّر لك ألم و اِجلس ! دام هـ الجرح .. ناسي تقدر تخليني أحس .. تقدر ترجع بسمةٍ .. .. من شفتي يا ما اختفت و إن الأمل .. .. لا زال فـ الدنيا كبير يا اجمل حياتي .. من تكون ؟ الألم .. لمّ السكون اللي تلبّسني فـ غيابك ! و الأمل .. ملّ و تركني غارق بمعنى .. إيابك ! و الأمان .. مان و رحل بي دمعةٍ تِثْمِل ثيابك ! كل هذا يا حبيبي .. و آنا مدري .. من أكون !!. |
|
25-07-2009, 08:00
| ||||
| ||||
رد: بقايا .. من بقايا !!
ربِّ أخرجني من هذه القرية الظالم أهلها |
|
14-08-2009, 01:18
| ||||
| ||||
| قلبك الكذّاب !! . .[ 1 ] و حبيتك .. ياللي هنا بيتك .. خلّيت للناس بعضي .. و شِلت أكثري ... و جيتك ! [ 2 ] ياللي تمنّيتك سنين .. قبل أعْرِفِك ... في دمعتين ماظن تِنْكِر لهفتي .. و اِنتَ معي ... و انزف حنين ! [ 3 ] ما كانت عيوني تشوف .. ما بين ظلمى ... و بين خوف شمسك أبَت لا تِنْتِظر .. شف كيف ... تجمعنا الظروف ..! [ 4 ] يا ماخذٍ كل الخيال .. يومي مثل أمسي ... محال بس اِنتْ ريّح خاطرك .. و اِترك علي همّ السؤال .! [ 5 ] قِم غنّ لي عَذب القصيد .. جوّاي نارٍ بي ... تِقيد من يِزرع بقلبي غلاه .. أموت أحبّه من جديد ..! [ 6 ] يا سيّد الأحباب .. " تحبّك الأسباب " .. قد قلتها مرّة .. يا قلبك الكذّاب ..! [ 7 ] ناظر مكانك من زمان .. وشلون فاقد هـ الأمان .. حتى العروق اللي نشفَت .. شِف كيف .. يبكيك [ المكان ] ؟!. |
|
« الموضوع السابق
|
الموضوع التالي »
| الذين يشاهدون محتوى الموضوع الآن : 13 ( الأعضاء 0 والزوار 13) | |
العرض العادي
|
|
الساعة الآن 05:30.
Search Engine Friendly URLs by vBSEO 3.6.1