خذ العدل عن كســرى وعن حاتم الصخى
ومن أحنف حلمه ومن عمرو هاجســه
تموت الأفاعي وسمهــــا في نحورهـــا
وكم من جريس مات ما شاف حارســه

نومك طرب وإلا فنـــومي هواجيس
ماأسهرك بالليل كثر الحلومــي
أسهر إلى نامت عيون الهراديس
وبالليل أراعي ساهرات النجومي
قالوا جهــلت .. قلت جهــلٍ بلا قيس
الجاهل اللي مايعرف العلومــــي
الى توافق شاير السـوء وإبليس
تـــــبر منه بعز رب يدومـــي
ومن لايدوس الرأي قبل ماديس
عليه داســوا العيـــال القرومــــــي
ومن لايقلط شذرة السيـــف والكيس
تبــدى عليه من الليالي الثلومــــي
والقصر مايصلح على غير تأســيس
ومن لاتعلم ماتــــسر العلومـــــي

إلى أبصـــرت بالدنــيا تكدر لي الصافــــي
تعــذر زماني ماحصـــل صاحبٍ صافـــي
أفيض عليه مالتـــج بالحشاء
وكل شعيب له مفيــض ومعطافــي

من لايفـيدك بالسنين الصعيبــــات
خله على مجــراه وأقطع عقاله
صلب عليه وسجلــه ضمن الأمــوات
يحب على جدك بالأنــساب عاله

باح العــزاء من ضيقة الصدر والبــال
من لاهــبٍ يسعر ضميري اشتعالـــه
ممارأيت وشفت من كثر الأهوال
عفت الحــياة وعفت من كل حاله
من قال ماله بــار .. من كل الأحوال
محدٍ يبي قوله ولاأحد شــاله
لو هو شجـــاع قبل ماهوب رجــــال
ومن قل قدره يرخصونــه عياله
ومن نــام حظه لو بغى يقعده مال
ومن ثار حظه باع له واشترى لـــه

إن عضتــك الأيام في حد نــابها
تجلد بالعــزم لاتكون ضجــور
وإلى رموك أعداك بأكبر من الحصـــى
زلزل عليهم إن قــويت صخــور

ترى أصدق صديــق للمــرء كتمان ســره
أصحـــا تبــين مايكن حشـــاك
وبالك تســامح من يرى العــفو .. ذلــه
هالوقت طول للكـــلاب عصـــاك
موتــك على عـــز .. ولو حي ماتدفــن
سحـــم الضواري يمطعـــن شواك
أعـــز من تبقــى ذليل ساعـــة
بجوار نــــذل .. قاصر يدهـــــاك

أغنــم متى ما لاحـــت من العمــر فرصــة
وإن هــب نســناس فإذرا في سواسيـــبه
وترى شــور من لايستـــشيرونه المــلا
شمعــة نهار في ضياء الشمس ذايبه
ومن عــاب شخص قبل يبصر بنفسه
يرى فيه مالا ينحصــر من معايبـــه

رابع أصيـــل في زمــانك يشاكيــك
لاشـــاف خملاتـــك عن النــاس غطـــاك
وأحذرك عن طـــرد المقفي حذاريـــك
عليك بالمقبــــل وخــل من تعـــــداك
ثم ألعـــن الشيطـــان لياه يغــــويك
ترى إن تبعـــته للشرابيـــــك وداك
وأوصيـــك لاتشكــي علينــا بلاويــك
أنت السبــب في طــرف عينك بيمنــــاك

ألا يــالــيت ربــي يوم ســـــوا
عبيــده .. حط بالطيــب عـــــلامه
على شان الذي بالنـــاس جاهـــل
يعــرف الحــر .. من بـــرق الجهـــامه

الطــير بالجنــحــان ماأحسن رفيــفه
وإلى أنكــسر حدا الجنــاحين ماطـــار
يمنــا بلا يســـرى تراهــا ضعيفـــه
ورجــلٍ بلا ربــه على الغبــن .. صبـــار

شابــت لحـــانا مالحقنــا هوانــا
وعـــزي لمن شابـت لحاهـــم على مـــاش
عيشة نــكد وكدنـــا ماكفانـــا
عيشة وزا يالله بالكــره نعتـــاش
_ مبارك بن مرجان _




تقول سلمــى بنت زيد متمـنية أن زوجهــا بين القتــلى :
ليـت شوقي مثــل شوق سميحــة مذبــوح
أتم الحكم أربعـــة وأتم عشر السنــه
أتجلد بين لمات العرب وأنـــوح
أرتدي حــزنه وأنا فرقــاه عندي جنـــه
ول ياعصـــر الندم ماعـــاد به مصلوح
شربــة الما من قصيـــر البــيت فيها .. مــــنه





قمت اتشكا عند ربعٍ بلامـــا
جونـــي على فرقــا خليلي يعــزون
قالو .. تجـــوز وأنس أمــه بلامـــا
بعض العــذارى عن بعضهـــم يسلــون
قلت .. إنهـــا لي وافقت بالولامــا
ولو جمعتـوا نصفهــم مايسدون
ماظنتي تلــقـون مثــله حرامـــاً
أيضاً .. ولافيهن على السر مأمـــون
وأخاف أنا من غاديات الذمامــا
اللي على ضيم الدهــر مايتــاقون
أو خبلـة .. ماعقلها بالتمامــا
تضحك وهي تلدغ على الكبـد بالهـــون
توذي عيالـــي بالنهــر والكلامــا
وأنا تجرعنـــي من المــر بصحون
والله لولا هالصغــار اليتامــا
وأخاف عليهم من السكــة يضيعــون
لا أقــول .. كل البيــض عقــبه حرامــا
واصبــر كما صبــر على الحبس مسجـــون
_ نمر بن عدوان _



خليتــني مابين .. واقــف وأبا أطيــح
علقتنــي تعليــــق .. عين لسهــرهــا
لا بد من يوم حدانـــا يبي يصيــح
وماتنــفع الدمعــه .. بمغرور نظرهــا
هذا وأنــا .. ياخــوك .. سامــح وابا أبيـــح
مدري متى الأيــام تدنـــي حفرهـــا ..؟
_ محمد علي الحبيب _



قال الذي ماله صديـــقٍ يشاكيـــه
يوم إنــه .. تردى به زمـــانه وضامــــه
يشرب من أحواض الغـــبن في أيــاديــه
كلن يشــوف ولانشــد وش علامـــه ..؟
من باعنــي بعتــه .. ولانيـــب شاريــه
أمثال هذا .. ماعليهـــم .. ندامـــه
_ محمد بن بدر العوشر _



أرجـــوك لاتــودع قلــــبي حطايـــــب
أرمـــي هدومــــي .. ثم .. أصيــر مهبــوله
لا بــد ماتركــز علينــا النصايــــب
وكــل يذكــر .. مامضــى من فعـــوله
_ نوره الصنيدح _



لاشــك ما كل رجـــال يعيظك برجــــال
ولاكل من ضاق الخــلق ينشكــاله
والله ماودي بتكشيــف الأحــوال
الشكر زين والتجــلوح جهــاله
_ محمد علي الجاسر –



في صحــصح كنه الترس مقـــلوب
طــرب به الجنــى .. على فقــدة الذيــــب
_ بن لعبون _




تقول .. ميثــاء علي السلامي .. عندما تبرأ منها أولادهــا وزوجهــا وتشكو لأخيها الغائب .. :
يادحــيم فرقتنــا عقبك الليالــي
مطرودةٍ حتى عن ظلال النخيــلات
أبو عيالي تبرا قال مالــي عيالــي
يقول .. مالي يا أريــش العيــن مشهـــات
الله يلومـــه عد رمل الســهـــالي
أو .. ماهبــت ريــاح مخــيلات
نقلت بزرانــي لروس المفــالي
يادحيــم نشرب من همــاج العقيــلات
الى أدبحــت شمــس الضحــى .. واعــزتــالي
عقب المعــزة .. صايريــــن بمنحـــات
وأبكي الى مــروا علي الرجـــالي
والمســوقة ماهــي .. للأجــواد مشهـــــــات
يادحيــم لو تدري وش اللي جــرالي
ذبحــت روحــك يافتــى الجود بهــوات
يفوح من راسي سوات الدلالـــي
وأقول .. ذا أشوى من وجـــيه القرابـــات

أسهر إلى اوحيت النومــا يفحــون
وأقول .. ليت بلــذة النوم ياليـــت
وأسهر طوال الليل واهلي يحسبــون
أني إلى ماأطبق الجفن غطيـــت
_ محسن الهزانــي _



أضحــــك مع اللي ضحــك .. والهم طاوينــي
طويت شنــون العرب لسربــوا مــاهــا
_ فهد العجمي _



يقطعــك دنيا ماله أول وتــالي
لو أضحــكت بالغبن تقرع بالأجــراس
المستريــح اللي من العقل خالي
ماهو بلجات الهواجيــس غطــاس
لاخـــاب ظنــي بالرفيق الموالي
مالــي مشاريهــن على نايد النــاس
ياعــل قصــرٍ مايجيله ظلالــي
ينهار من عالي مبانيــه للســاس
لا صــار ماهو مــدهل للرجــالي
وملجــأ لمن هو يشكي الظيم والياس
_ محمد احمد السديري _



أدوج لو كان ما رجــلي بدواجـــــه
وأدله النفــس إلين الله يفرجهـــا
_ عبدالله بن عون _



ليتنــي ماجيــت مع قبة رشيــد
ولانظــرت الزيــن يازين الونـــيه
لابــس له مشلح توه جـــديــد
تخلف العشـــاق بنتٍ غشمــريه
_ محمد بن عبدالعزيز العمــار _




لاطــاب لي الوقــت وقلت الفلك دار
خــابت ظنــوني والزمن ماصفالــي
أضحك وأنا قلبـــي .. على واهج النــار
مادوي الحســـاد تدري بحالـــي
والله لولا أنــي على الضيم صبــار
وأخاف من هرجــة عدوٍ طوالــي
أعلنت ماأخفيــت والرب غفـــار
وغير الولــي مالي من الخــلق والـــــــــــي
_ فايز الحربي _



تسعـــين عـــله .. في ضمــيري وأنا شــــاب
وشــلون إلى لــوح الشـــيـــب راســـــــــــي ..؟
_ محمد بن شجاع _



لو كــان كل من يضحــك بوجهــــي صديقـــي
ياكثر مالــي مع النــاس .. صدقـــان
لا شــك بعض الضحـــك .. ماهو حقيقي
اللي يحطونــك إلى أقفيــت نيشــان
_ عبيد دخيل العنزي _



صوابــــي كبيـــر ,, وعلتـــي باطنيــه
وأنا مثل واطـــــي جمــرة من كيـــــر
_ حمد المغلوث _



سمـــرت بصحبــة حروف القوافـــي
أحمــلهــــا تنــاهيد خوافــــــي
وإلى مني عطيت الحــرف .. ونـــه
بها حرفــي على النجمــات طافــي
يقوم كل نجــم من منامـــه
انا ما أنيــب أسامر نجــم غافــــــــي
ولو ممشاي في جمــر يفيده
رضيت بجمــرها وكنه .. عوافــــــي
_ خالد الفيصل_



إلى دقـــت الوسطـــى البهــام تذكرت
عصــرٍ مضى ماهو لمــثلي بعايــــد
_ الخلاوي _



في غـــبة الحــرمان غرقت مراكـــبي
والبحــر هايــج .. والعواصف جــايره
مرات ألوم الحظ .. وأقول : خانـــنـــي ..!
ومرات أقول :
الوقت هذي سرايـــــره
لكن .. جــريح القــلب لو حــاول العزى
لازم شــرود الذهــن يفضــح سرايـــره
_ الحميدي الحربي _



ماأبكـــي عليــك .. أبكي على حظــي الأقشـــر
حــظٍ عمــى مالقا من يقــوده
حـــظٍ مديم .. بالعذاب أيتـــبشر
هبايــب الحــسرات دايــم تروده
_ نوره العتـري _



مايجـــرح الكبد يالحربــي .. ويوجعهــا
إلا صــديقٍ زيارتـــه .. على الحاجـه
_ عبدالله السياري _



عســام الوقــت خيم واندفــن .. به .. طيــري المكســور
وجــاه الصيف في شدة لهيبــه مالقى مقيــالي
_ عبدالله الأشقر _



لولا .. الحــيا لاصيــح خمسيــن صيحــه
صيحــة .. يتــيم ضايمــينه عمــامه
أبوه من بين النصايــل طريحـــه
وأمه توفـــت .. قبل يبلغ .. فطامــه
_ مفرح المطيري _



والله إنــي عن المقفــي .. لأقفــي
لو غلت سلعتي في .. ســـوقه
موجــب النفس مايبرد لهــبهــا .. من العــطش غير نبع البــير الصافــي
_ محمد علي الحبيب _




أمــي .. تقول :
التــمــنـــي .. سمــــــاجــه ..!
وأقول أنــا : بعض التــمني به إفــراج ..
_ موضي الدهلاوي _



من يشتــري .. قلــبٍ .. همومــه ملايــيــن
ويبيــعني .. قــلبٍ .. من الهــم خـــالي
_ عبيد بن حطاب _



ياحمــود .. الى أنــشدوا عنــا
قل له .. ترانــا براس تنوره
وقله .. تــرانا .. تمدنــــــا .. كلٍ يولع بدا فوره
لا واحســـايف .. تزينا
ماأشوفهــم .. كود بالصــوره
_ شاعر شمــري _



الطــب .. ماهو يعــلج كل وجعــاني
كم جــثــةٍ في طــريق الحــب مدفونـــه
_ سعيد الشهراني _



ياعيــن .. هلي صافي الدمع هــليه
وإذا أنتــهى صافيــه .. هلي سريبـــه
اللي يبينــا عيت النفس تبغيــه
واللي نبــي .. عيا .. البخــت لا يجيبــه
_ نوره الهوشان _



لي بنت عــمٍ ماوطت طرق الأدنـــاس
ولادنــست يوم النســـاء دنســـنــي
ضربتــها وأنا أحسب الضرب نومــاس
طلقتها يوم أفخــت العقل منـــي
لو ينــشكى حبــه على قب الأفــراس
عين نهــار الكون لايفزعنـــــي
ولو ينشكــى حبــه على الطيــر ماطــار
أضحــى الضحى بمريقــده مرجهنـــي
ولو ينشكــى حبه على الزرع مــاطال
وأهل السوانـــي حرمــوا سوقهنـــي
_ (( .. .. .. .. )) _




عسى الله يعيــــن اللي من الوقــت شاف وعــاف
تغير زمــانه عقب ماكان صافيــــله
صحيح الزمن غدار مابه عــدل وإنصاف
ألا يا ويـــلي ياحمد قلبي زادت غرابيلــــه
_ عناد المطيري _

والله يميـــن القــطع .. ويمين بعد ثانـــي
إن .. ســكر الشـــــام بين أشفـــــاك يانــوره
_ عبدالله بن تركي السديري _



قلت : بالله تجمــل دلني وين أروحي ..؟
وين أبلقا عــلاجــي وإلا دواي تشابـــه
وش أسوي بواهــج .. بقصا الضماير .. يفوحـــي
كل ماأشرب عليه المــا يزيد التهـــابه
جــاك هرج الصحيح .. وراح هرج المزوحـــي
كل شئٍ .. إلا التفــرق .. ماحسبنا حسابــه
_ شاعر مجهول _



شبيــت ضــوي بالظـــلام
في صحــصح ذيبــه عـــــــــــوى
مالي أنــيس إلا النجـــوم
أو
نـــــور وضـــاح القمــــــــــــر
_ خالد الفيصل _



هاضنـــي نــوٍ سديد وشــــاق لي بـــراقه
كن بإركـــانه قنــاديل الحــرم مشبوبـــه
فوق درا العنـــدل اللي تذبح عشــاقه
وإن مشــت تطوي ردايفهــا مثانــي ثوبـــه
لاضخيمــة زوول .. ولاهي بالشاش دقـــاقه
حطها الله للمشــقا والمولــع بالغرام .. عقوقــــه
_ ابن دويرج _



الله على مـــزة .. شفايــاها ياعـــم
أمبيســـمٍ .. ماشرب منــه قبلي .. ولاذيـــق
_ مشعان الهتمي _



أنا علتي من داخل القــلب
مالها .. طبيــب
سوى اللي بالحــشا مطبــــوع
_ عبدالرحمن الربيعي _



ما دمــت أغالط واقعي .. ياعشيري
وأعشق بدالك خلنــــي في ,, عمــــــايـا
_ مي السعودية _



حطـــوك وسط الشمــس ومالوا على .. الفــــــي
وشهدوا عليك إنك .. كبيــر الخطــايا
_ مجهول _



أحــــاول أنساه لكن .. النفــــس ملعونــــه
وعـــز الله .. إنــه سبب همي وغربـــالــــــــــــي
_ محمد الحبيب _



نـــادت .. مشــــاري ..
وقالوا النـــاس : .. .. لبـــــيه ..
ومن زينهـــا .. كل الخـــــــــــــــلايق .. مشاري
_ فهد اللوغاني _



يوم شفتـــك .. قلت دنياي أزهرت
وأنفتح لي بالهوى حظ جديد
_ بدر بن عبدالمحسن _



خلصنا وانتهينــا .. من بعضنــا
وكل راح في سبيـــله
ظروفـــك .. قربتنــا وأبعدتنــــــــا
تخيل البرق وإلا ماتخيــــــــــــــــــــله
صواديف الليالي .. فرقتنـــــا
خسارة العمر الطويلــــه
صحيح إن المحــــبه .. شابكتنـــا
ولكن ..
الجفـــــــــــا يومـــي شليــله
_ راشد بن جعيثن _



على النقــا مبسمــــي .. ماشيـــف
مافتـــشوه العشا شيقــــــي
لو يذبحونـــي هلي بالسيــــــــف
حلفت لأسقيــه من ريقـــــــــــــــــــــــــــــي
_ شاعره بدويــــة _



وجــدي على حبــةٍ تبريـــن من خده
في ساعــةٍ واليــه .. ماعندهــــا والي
_ عبدالله الصويان _



الله على وقت قضى قبل هالحيـــن
أعســـر علي اليوم من حــب كوعـــي
إلى طرا لي والمخاليــــق غافين
بريـــت مايفتح محانــــي ضلوعــــــــــــي
_ صقر الصنافي _



يابو ناصر .. وعذاب العين من شيٍ تشــــوفه
كل ماشافــت له زول .. عجيب ولعتني
ولعتنــي في صغير السن .. ماهيب معسوفـــه
وش أسوي يا بو ناصر عيني اللي غربلتني
_ عبدالله الحبتير _



حدر القمــر صوت لخله وناداه
ثلاث مــرات وبالرابعـــه .. ون
حدر القمــر ياما همس له وناجاه
وعيونهم ياما بنوره تلاقن
_ خالد الفيصل _



أخذت قلبي ياأريش العين .. تلعبـــه
ولابقى غير المعــاليق وضلوعــــــــــــي
رد قلبي ياأريش العيـــن .. بالحبـــه
من شفيـــاك .. مزهن يطرد الجوعـــــــــي
_ لافي بن معلث _



ليتك تحــط أشفـــاك يازين بشفــاي
وإلا تدوس بخمص الأقدام .. بحشـــــــــاي
يامن طعم ريقــه كما الدر .. بالشاي
سليت قلبي يا لمتركـــا .. سلا لا
_ محمد بن عرفج _



ولعتنــــي بالهوى والزيـــن .. ساره
وأخلفتنــي عن غنادير البنــات
المطوع لو يشوف خديـــد .. ســاره
طبق المصحف وعجل بالصــــلات
ريق ســــاره .. سكر في غظــاره
أو حليب أبكـــار عرب مسنحــات
حالفن ماأسلى ولا أنســى .. حب ســـاره
لين أهل شقراء يخلون الصلات
_ بن حصيص _



ياشبيــه صويحبـــي .. حسبي عليك
كل مانــاظرت .. عينــك شفت ذاك
ليتهم سمـــوك باسمـــه .. واستريــح
كل مانابيتــــك أغلط في نـــباك
_ خالد الفيصل _



يامنـــير .. يوم إنـــك تحققت بالشـــوف
هذا
ســــــــواد الليل
وإلا شعــــرهـــــــــــــا .. ؟
_ الأمير تركي بن عبدالرحمن _



ماقصدي أزعل عيونــه .. قصدي أراضيها
حرام ينهـــل منها الدمــع قدامـــــــــي
لا يابعد نجــــد ,, ومنهو ساكنٍ فيهــا
الله يلعن شكوك النفـــس وأوهـــــامي
ياعين شيهـــانه صعبــة مراقيها
وأنا اللي في وصالك هالكٍ ضامــــــــــــي
_ محمد المموس _



عديــت في مرقب والنــاس ممسيــني
بديــار غــرب لعل السيـــل ماجــاها
أضحك مع اللي ضحـــك والهــم .. طاوينـــي
طية شنــون العرب لاســربوا .. ماها
مايدفــي إلا الحــشا مربوشـــة العينــي
وإلى عطشنــا شربنــا من ثنــايــاها
_ عبدالعزيز السليم _



واقلبـــي اللي حبيبه مارحم حــاله
أخذه معــه كنــه المقلاع يومي به
الله يجــازيه كأنه مشغل بالي
بالحلم والعــلم .. وكل الأ وقات أهذري به
لامر طاريه ياسلطــان .. عزي لحالي
اشق جيبـــي .. وأشيل الثوب وأرميـــه
_ ابراهيم المزيد _



سلام يادار الغضـــــي .. ســـلام
وألف هـــلا .. وألفين ترحيبــه
هذا مكان صخيــــف الأقدام
هذا مكـــانه يوم علمي بــه
هذا مــكانه .. واطــيٍ بالقـــــاع
مامضت الرمـــضـــا عراقيبــــــــــــــــه
_ سليمان بن عثمان_



أكثر من الـــلازم صبرت وترجيـــت
وجــــروووح .. قلبي منك خضر وجديـــــــــــده
_ عبدالله الفيصل _



عفا الله عن عين خطر دمعها كنه
هماليل وبــل هــل من غرق الأمــزاني
تسابق عبايرهـــا .. وهي قبل مكتـــنه
ولو قلت .. أغط الدمع مجــراه يفضانــــــي
سقى الله خلي من نهـــر كوثر الجنـــه
جزى عن جميــــله يوم من فــــاهــه .. أسقانـــــــي
ســقاني من الســـلـــســال .. شربــه بلا مــنّــــه
المــا رجهن القلب .. وأخضرت أغصانـــي
_ مساعد الغزي رحمه الله _



غصــن .. مـــوز
نـــــــــــــــاعمٍ مابعد .. لمــس
مارقــاه النذل .. وهزع نبـــــــــاته
_ عبدالله القريفه _



ليت الهـــوى للي يريـــده .. مبــــــــاحي
والعصر الأول ينثب عقب ماراح
أنا عليــــل الجوف لو قيل صاحـــــي
عظــيــظ غلث وشــاف بارق لاح
ياذابـــح المسلــم بليــا سلاحــــــي
لاتستبيـــحه قبل نـــزاع الأرواح
_ عبدالله بن سبيل _



قــم ياحبيب الروح .. نبعد الهــم عنـــا
عطنـــي كلام يوسع خاطري وأتمنـــاه
أنت السبب بالهواجيـــس وماصار منــه
مثل الكسير مجبر حيره قل ممـــشاه
_ سليمان بن حازور _