حكاية جرح(تجربه)

حديث الذكريات · #1 (**permalink**) 16-07-2009, 23:12

مساء الورد \ صباح الورد

أول قطره في منتداكم الرائع بلا حدود

أرجو أن تلقى حروفي في سمائكم سحابا

طفت الآمال في شاعر فقد شمعات ميلاده ** ولابه من يهني به سوى حرفه و(تنهيده) !

يقول ( الآه ) .. وش تنفع؟ لهب الأنفاس وش زاده؟ ** سوى ذكرى غياب أنفاس تعودها فجر عيده!

ألا يا وقت ! خبرني ، صباح العيد وش عاده؟ ** مدامه ما قدر يرجع زمان الفرْح ويعيده !

متى ترجع تطفي بي حنين ونار وقاده؟ ** حرام القلب يا قاسي على الهجران تعويده

صباح الهم والضيقه / صباح الجرح و اعياده ** مدامك مو معي جالس ، خلاص النبض ما اْريده

حزين ! وما معي غيري ! وصمت ٍ صرت معتاده ** و طيف ٍ صار متعود يمد الهم ويزيده

سألت النور عن سرّ الغياب و موت ميلاده ** لقيته ميت ٍ ضيقه على فرقاك يا سيده !

فقير ! إلاّ من احساسه .. غريب! بحظرة بلاده ** قريب ! إلا من انفاسه عن البسمه ! طوى قيده

أبستأذن من الماضي وأجدد فيه ميعاده ** يجمع ذكريات الأمس لحاضر ضامني قيده

يسافر بي ! ولو ( حلمان ) ! يا زين الحلم و رقاده ** يرجعني ! ولو ( كذبه ) أحب الكذب ترديده

تحبك أغلب جروحي يحن الجرح لاْسياده ** مدامك من غرسها بي و دفنها اْبّعثرة إيده

دموعي تسقي جروحي وصدري يثمر عناده ** أقول الآااااه ... بحرقها !! تكاثر بي عناقيده !!

جروح ٍ صارت لصدري دوا قلبي و جلاّده ** أحب الجرح لا منه يجي طاريك ويعيده

هلا بك .. عرقي الساقي دموعي لجلك ضماده ** تعال .. ! وشوف لك فيني ( حكاية جرح ) وانْشيده

تعال ..! وحاول تدور بصدري لخدك وساده ** ترى ما ظنتي تلقى سوى مليوون تنهيده!!
أخوكم \ حديث الذكريات

الذين يشاهدون محتوى الموضوع الآن : 3 ( الأعضاء 0 والزوار 3)