..[ ومرّتني الليالي خفاف ]..!*

نجاح · #1 (**permalink**) 02-06-2010, 16:36

،

هنا ودّعتك وطاحت ..[ حكايتنا ] .. مثل دمعة ..!!
........................ تلاشت يوم ماهبّ الغياب .. وحطّم احلامي ..
حبيب الأمس .. خذ جرحك معاك واطفي الشمعة ..
........................ انا ما ابغاك ترجعلي .. بعد ما نامت الآمي ..!!

،

نجاح · #2 (**permalink**) 02-06-2010, 17:34

،

حبيبــي والطريق اللي .. رسمنا به امانينا ..!!
..................... وصلنا مفترقه وقلت لك .." وشلون بس اروح "..
اخاف الليل من يرخى سدوله ..[ حزن ].. ينهينا ..
..................... انا واحلامي البيضاء .. ويتركنا بليـّـا روح ..!

،

نجاح · #3 (**permalink**) 02-06-2010, 17:51

.

انادي [ فرحتي ] اللي سافرت وياهـــ ..
....................... يجاوبني حزن .. ضاقت به ادراجي ..!
ارق يمطر غيابه .. ترتوي ذكراهــ ..!
....................... وتنْبت صورته .. في برجه العاجي ..
نسى حلمه .. اغانيه و نسى اشياهـ ..!
....................... على رفّ [ الحنين ] .. تحاول احراجي ..!

.
.

نجاح · #4 (**permalink**) 03-07-2010, 02:41

.

ياليت .. افتح [ ذكرياتي ] شُرفة !
........................ ودي اطيّر سرب .. من اسراري !
الصبح طلّ وهي حبيسة غرفة !!
........................ اختنقت وجرحك يصكّ ازراري ..!
حطّمتني ! شف لأمنياتي صرفة !
........................ ابني بها بعد [ الفراق ] اسواري !!
ماكنت ذنبٍ فـ الظلام .. اقترفه !!
........................ كنت البسك طُهر ونهارك .. عاري !
ازرع لك الحلم / الوفا .. منصرفة :
........................ احلم بك تغيض الندى فـ أزهاري ..!
واصحى اشوف افراحي المنجرفة ..!
........................ آتعثّر .. بطين الحنين / .. افكاري ..!
حررّني من [ الهمّ ] .. قبل احترفه !
........................ قبل اختنق واصبح .. قبر لـ اسراري !!

.
.

نجاح · #5 (**permalink**) 03-07-2010, 02:55

،

قول احبّك ! ينْبت الزهر بـ كفوفي !
...................... قول احبّك ! يثمـل القلب .. ويطير ..!
يحضن الغيم ويغنّي له .. حروفي !!
...................... يزفر احساسي على [ صدرهـ ] عبير !

،

نجاح · #6 (**permalink**) 03-07-2010, 03:08

.
.

ضحكتك ذابت فـ كوب الليل .. ذقته !
...................... واثملت بي [ امنياتي ] للفجر ..!
شوف دمّ فراقنا ابـ وصلي ارقته ..!!
...................... لا تسلّمني .. لـ يدّين القهر ..!!
طفلة وذنبي الوحيد .. إني سرقته ..
...................... قلبك اللي جاب لـ احلامي عمر !

.
.

نجاح · #7 (**permalink**) 08-07-2010, 03:35

،

هزّتني اوجاعك ... وطاحت دمعتين ..!
...................... من غصني الذابل .. على تراب السكوت !
من خلف شبّاكك .. بدا همّك .. دفين ..
...................... كنّك تعاتب عالمك ... من دون صوت ..!!
شارد .. وحزنك ترسمه [ قلب ويدين ]..
...................... في لوحـة الماضي .. جروحٍ .. ما تموت ..
تتنفس من صدورنا ... تكبــر آنين ..!!
...................... لاجاعت اتجمّع .. رفات الحلم .. قوت ..!
احتاج لك .. والله ! بديت انزف حنين ..
...................... قلبٍ اضمـّه .. قبل ماعمري .... يفوت !
ينزعني من فمّ الضياع .. اللي سنين ..!!
...................... يغرس بي انيابه .. ويبغاني ... اموت ..!
ازرع .. بصدر ايامـه الجدبا ... يقين ..!
...................... إني سحابة .. لو تبلّـه صار .. توت !!
اصحى من شرودك وجب لي معك عين ..
...................... ماتعزف الدمعة .. إذا اشتاقتك .. نوت ..!!
احتاج لك !.. احتاج لك .. قلب ويدين .!!
...................... ابرسمك [ بسمة ] .. على تراب السكوت ..!

،

نجاح · #8 (**permalink**) 27-09-2010, 23:01

،

ياصيفي البارد .. وربّ الخلايق !
................... ارجف وانا آحس الأمل [ شال صيفي ] !
مامدّ قلبي بالدفاا .. يوم رايق ..!
................... وشلون والليلة .. جفاني وليفي ..!!
تمطربي غيوم [ انكساري ] حقايق ..
................... ماكلّ حلمٍ اعشقه .. جاء بكيفي ..!
ياوحدتي .. لوكان للحزن .. ذايق !
................... ماصدّ وانا [ طعنة البعد ] ضيفي !
اتضايق وشفني .. اصبّ الدقايق !!
................... في عمري الفاضي وادور رغيفي !!
بسدّ به جوعٍ .. تركني اوايق ..
................... من شرفة الماضي وانادي لطيفي !!
جنّيت وانا ابكي .. وظلي تضايق !
................... اتعثر بجرحه .. واعاتب رصيفي ..
وصّلتني لحاله بهالصمت .. بايق !
................... يسرق من اوراقي بقاياااايا حفيفي ..!!

،