يُفيقُ البياضُ في رأسكَ يا نادلْ , و اخافُ عليكْ .
أخاف عليكَ من الموتِ و من الحنين و من البُكاء في الظلامْ !
أخافُ عليكَ و أنتَ المفتونُ بالقهوة من رائحةِ الأدوية و الشراشفِ البيضاءْ !
أخافُ عليكَ من غيابي
و من لونِ الشَفق الّذي يأخذُني منك .

- سمَا : صباحُ القهوةِ الفرنسيّة
للجميع

..

ألف ألف مبروووك سمّوي
تستاهلين هديّة
و وزّع الفرح بـ أرجاء المقهى نادلنا !

..

عشرين سنَه ,
و أنا من يدينك أشرَب النور !
من يدينِك أتناول الأصالة و آخذ حكاوي العزّ .
من ماتْ جدّي و انتِ الضوّ الل يحيط بنا و يملانا أمَل !
مرّتين .. مرّتين نتركك و نسكن بيت جديد !
بيت يليق بـ مكانتنا بـ أموالنا بـ أشيائنا بـ شهاداتنا بـ ظروفنا !!
مرّتين نتكبّر فيها ع الماضي الل يسكن مِسفَعك , و مرّتين علّمنا مسفَعك الدَرسْ !
مرّتين و حنّا مو قادرين نستانس ! و لا نحسّ إنّنا بـ بيتنا !
مرّتين نشيل أشيانا و نحبّ رآسك و نودّعك ...
نترجّاك تجين معنا ! نتوسّلك .. و يصعب دمعِك المكابر علينا !
ستّ أشهر بكل مرّة ...
ستّ أشهر بالضبط و نرجَع !
نرجع لـ البيت الل لمّنا سوا و عرفنا فيه الحياة !
نرجع لـ رجلينك نقول لك : عجزنا !
ريحتك ما خلّتنا بحالنا يا ستيته مسفَعِك يلوح بكلّ البيت .
الحين انتِ وينك ؟
تدرين لو ما رجعتِ لنا بخير ش ممكن يصير ؟
تدرين إنّ حنّا ما نعرف و لا نعرف ولا نعرف و لا نعرف نقعد بهالأرض دونك ؟
انتِ يا جَدّه مستوعِبة إنّ انتِ الضوّ و حنّا الفراشات ؟
مستوعبة إنّك القبلة و حنّا المصلّين ؟
تكفين ! و أنا بنت ولدك الل ما ترجّت أحَد و خابرتها !
تكفين يا ميمتنا .
و الله إن ما رجعتي لـ بيتك بخير , ما عاد يورّينا الخير وجهه كلّش !
لا تكسرين ظهري يا أم صالح ! و انتِ الل ما كِسر ظهرك أقسى ظررف مرّك
ردّي لي بخير ,
و نذرٍ عليّ ما أطلب الله حاجة غيرك

تكفين يمّه .

..