آخ يا هديل
وما عرفت احكي . ماعرفت للجوع
ما عرفت اجاوبك . كأن الحكي خانني

كنا صغار . كنا نتخبى تحت الكراسي . كنا لما نتجمع نحكي حكاوي الكبار ونضحك . كنا صغار . كنا نبني من الشراشف بيوت . كنا ننورهم بكشاف جدي الي نسرقه من علبة العده المخبايه تحت مقعد السيارة . كنا صغار كنا نجمع الحجر . ونحط الحجر فوق الحجر ونجيب كوره ونرميهم بقوه ونضحك ونضحك ونصرخ ونغبط الي يطيح كل الحجر . كنا صغار كنا بس نحلم ونحلم متى بس ...نكبر . كنا صغار كنا نحيك أحلام بلحاف ابيض . كنا نرسم بالخيوط عصافير وزهور اشكال والوان . كنا صغار كنا نمشي من غير جزم كذا حافين . ومبسوطين ونضحك . كنا صغار كانت وجيهنا مليانه تراب ونضحك . كانت هدومنا مغبرين وكنا نضحك . كانت لقمتنا قليله وكنا نضحك . ماكانت عندنا العاب وكنا نضحك . ماكنا نروح مدينه الملاهي وكنا نضحك . ما كنا نسافر ونلف بلاد الله ونشيل في شنطنا ملابس وتذكارات من مدن كثيره وكنا نضحك . كنا صغار وكانت بيوتنا صغيرة وكنا كثار بس كنا نضحك . كنا صغار وكنا نعبي الجوارب اسفنج ونعليها فووووق ونلعب فيها ونتخيلها كوره بس كنا نضحك . كنا صغار كنا ناخذ بقايا القماش الي يبقى من فستان كانت امي تخيطه ونسوي فيه عروسه ونلبسها طوق الورد ونمشط شعرها الي كان من صوف بس كنا نضحك . كنا صغار وكنا كثار وكنا فقارى وكان بيتنا صغير وكنا نعيش مع الحرمان بس كنا نضحك . كنا نضحك . كنا نضحك .... !



نقدر نرجع صغار ؟

ماعدت أصدق أحد . ماعدت أثق في أحد . ماعدت ارمي الحكي عند عتبات الاصحاب لجل اجي واحصده ياسمين . ماعدت انتظر وابكي واشتاق وأحن . ماعدت أستأمن على اشيائي عند أحد . صرت وحشيه . صرت منعزلة . صرت ما ابكي وجفت دموعي . صرت ما ادور اي عذر لأي حدا بيخطء . صرت قاسيه . لا مباليه . عنيده . وأنانيه . صرت اضحك . وانام . وأكل . وزاد وزني . صرت اسمعني كثير . واتجاهل باقي الاصوات . صرت أطير واعلي فوق . صارت اصواتهم ما توقفني ما تخليني التفت لهم وارجع واضعف وانكسر . صرت قويه كأني حجر كأني جبل ما يهزه الريح . كأني صرت مو انا






كل الي قلته / بيفيدني لا عصف بي سيل الهم بكره
ظنكم إلى متى بصمد ؟

لا صَارت خسايرك بالجملة وش نسوي . لا صَار الكبير يروح من حياتك لأجل شيء ما يسوى وش نسوي . لا صَاروا الغالين يسلوا سيوفهم على قلوبنا سل وش نسوي . لا صار الزمن أغبر وقلوب الناس غبرا وش نسوي . لا صار أقرب الناس لك ماعد هو انسان وش نسوي . لا صار الخذلان ينمد لك من ايادي احبابك وقت حاجتك لهم وش نسوي . لا صار الوفا في قلوبهم مجرد حكي وش نسوي . لا صرت وحيد وهم حوالينك وش نسوي ...... !




ليه كل شيء من حواليني صار أسود ؟