مُنتدياتْ بوُووح الأدبيهّ
صفحة 2 من 6 1 2 3 4 5 6
عرض 40 مشاركات من هذا الموضوع لكل صفحة

مُنتدياتْ بوُووح الأدبيهّ (http://www.booo7.org/vb/index.php)
-   شَخصِياتُكم وأَرواحُكم مِنْ جِهةْ أُخرَى !! (http://www.booo7.org/vb/forumdisplay.php?f=29)
-   -   بالمَحكي , (http://www.booo7.org/vb/showthread.php?t=3394)

نـوح 20-01-2011 23:25
متابع..
 
لئلا أكون جاحداً.. ها أنا متضرعاً بالأسفل! :7:

هديل . 20-01-2011 23:25
رد: بالمَحكي ,
 





تدرين وش ودّي ؟
خاطري أجيب كرتون زي حق الموز ,
و أحط كل الحاجات اللي تحاشر فرحتي فيها ,
بعدين أقطع الشطرطون بأسناني و أسكّره بقوووة !
خلاص !!
مافي أحد يأذّيني ! بح بح :6:
واااااو ,
تخيّلي نتطور بالشغلة و نصير نحط البشر الل يحاشرون حياتنا و ينغصونها ؟
مممم ذولي يبيلهم كرتون مكيّف أو غسّالة أو ثلاجّة ما يكفيهم كرتون الموز !!
و يصير مافي بشر ينكّدون عيشتك ! بح بح .

سَما . 20-01-2011 23:29
رد: بالمَحكي ,
 
الله الله الله ,
ع كذا بتخلص الكراتين وما بيبقى فيه كرتون أبداً أبداً
ولا تخيلي كل أحد يخلق يجي معآه كتلوج
وفي كل بني أدم زر هذا الزر يموه الصامت
يعني لا كثر هرجة وصار قرقر واجد
ويجيب الصداع بس ماعليك الا تضغطي الزر
وبح بح صوتو يصير مافي صوت
الله الله الله


ع كذا بقترح عليكِ هديلي شرايك نروح نعيش بزحل
يمكن يكون فيه هناك أوادم صاحية وقلوبها حية
:10:

هديل . 20-01-2011 23:37
رد: بالمَحكي ,
 






يقولون اكتشفوا حياة على سطح زحل مدري بيكتشفون !
و الله لو أنا الل اكتشفت كان كتبت عند باب الكوكب :
يمنع اصطحاب جوالات الكاميرا .
و جنّة البشر منازلهم !

سَما . 20-01-2011 23:42
رد: بالمَحكي ,
 
لا لا لا لو سكنا زحل يمنع اصطحاب اي وسيلة كانت
وسيلة للترفية في الارض
مثلاً جوالات , كاميرات , لابتوبات
لا لا لا بس بيوت جنب بعض
وخواطر سمحه , وطيبة قلب , وفرح , وأمنيات تتحقق فوراً
وأهم شي يكون فيه كت كات , وفش فاش :10:

هديل . 20-01-2011 23:46
رد: بالمَحكي ,
 





ممممم ,
تدرين إن الدنيا ذي محطّة ؟
يا سخفنا سمّوي نتعنّى بـ محطّة !!
يعني وش بقّينا للوصول ؟
بيكفينا الوقود اللي تزوّدنا فيييه ؟
و إلا بنعجز نوصل و نرتاح ؟
ممم دايم لمّا تقفل ف وجهي أبواب كثير ,
أطالع السما و ينغسل همّي !
و أقول : يا الله .
كيف الله كريم معنا كذا ؟
دايم مفتوح بابه و أذنه لنا منصته .
دايم ربّي يمسك يدي :10:
و الله أغبياء يا سمّوي الل نتوسل للحين يد بشر تمسكنا !!

سَما . 20-01-2011 23:53
رد: بالمَحكي ,
 
يَدُ الله لا تتركنا , أبداً أبداً
ووجود البشر حولنا وجود مؤقت
مهما طبطبوا علينا وربتو على اكتافنا مصير الملل
يتخلل قلوبهم ويتركونا
كمان كل واحد فيه الي مكفيه



والله كبير يا هديلي

هديل . 20-01-2011 23:59
رد: بالمَحكي ,
 




مممممم ,
نكذب على مين حنّا للحين سمَا ؟
ع الحكي و لا ع أنفسنا و إلا ع الغييم ؟
شوفي كيف الغيمة بدت تتفتت تحتنا من ثقل الحزن اللي ندسّه تحت رجلينا كل ما طفر !
شوفي كيف صرنا كأنّنا نجلس ع موقد من كثر ما حنّا نخبّي البُكا تحت رجلينا و نقول : يؤ ! سرقته الغوله !
هههههههه و ربّي حالتنا تضحّك :) !

سَما . 21-01-2011 00:07
رد: بالمَحكي ,
 
شفتي الي كان جالس بالحاله وأفكارة توديه لبعيد
لمكان كان فيه عايش كان فيه يتنفس
وداه خاطره يَم ناس يعشقهم حياة ويتمناهم أبديه
وهو مع خاطرة سارح ذرف دمعة

وفجأة جاه من يقطع عزلته /
استحى من دمعته /قام ولف وجهه ناحية اليمين لجل ماحد يلمح دمعته
شفتي قعدتنا ع الغيم والحكي الي حكيناه أول
كلة بس عشان نتهرب من الحنين والحزن والوجع

بس اسمحيلي بذرف دمعتين
وبمطر حكي

هديل . 21-01-2011 00:19
رد: بالمَحكي ,
 





هو الحنين ما يكبر و يصير عاقل ليه ؟
لمتى بيظل طايش و يرااااهق على حساب خواطرنا ؟
لمتى يعني بس لمتى بـ أعيش سااخرة و مستصغرة كل كايدة ,
عشان بس ألعب عليّ و أذكّرني إن مافي شي يسوى !
تدرين عاد سمَا ؟
ياليتني أقدر أجلس سارحه و أذكرني أو اذكرهم ثم أذرف دمعه و أخبّيها إن جاء أحد !
حتّى هالقدرة الهزيلة فقدتها ,
و صرت أفرّغ حزني كلّه من الحنين و الشوق و الغياب ف الضحك و السخرية و الشغل !!
زمان مرّة ما جلست معي و سولفت لي ,
زمان يا سمّوي ما قلت لي : و بعدين معنا يا هديلي ؟
زمان ما قلت للحنين : أدري إن صدري وسيع بس لا تتمطّى أكثر دخيلك .
و زمان ما أثبتت للأشيا و الناس و الأرصفة , إنّي بطلة ما يهزمني جزع الغياااااب .
لمتى بصبر عليّ ؟
هذا بس اللي أبي أعرفه يا صديقة .
اشتقت لي سمّوي ! أبيني :)


الساعة الآن 07:30.
صفحة 2 من 6 1 2 3 4 5 6
عرض 40 مشاركات من هذا الموضوع لكل صفحة

Powered by vBulletin Version 3.8.7
Copyright ©2000 - 2024, Jelsoft Enterprises Ltd
Translation by Support-ar
جَميِع الحقُوق مَحفُوظه لمنتديَاتْ بُـوووح الأدبيةْ

Security byi.s.s.w

 


Search Engine Friendly URLs by vBSEO 3.6.1