وطفه من وحي الظلام !!

سالم سداح · #1 (**permalink**) 14-06-2011, 18:35

البدايه

الثلاثـاء 13 رجـب 1432 هـ

/
لـ أنثى لها في دفتـري كـل الأوراق ..
.. .. .. .. .. وأستوطنت طُـهر السطـور أبجديه ..
واللي رمىَ بروعي لها صدق الأشواق ..
.. .. .. .. .. إن الغــلا عـذري وهـي عذريـه ..

سالم سداح · #2 (**permalink**) 22-06-2011, 03:40

/
ضاق المدى والأماني إرحاب ..
.. .. .. ..وإن جاء أمل رادفـه روحـه ..
في عمري الصادق الكـذاب ..
.. .. .. ..لملـمت الأضـداد في لوحـه ..
أغفىَ بحبل وثلاث أخشـاب ..
.. .. .. ..في ناصيـة عينـي إرجوحـه ..
وأصحى بساحه ورتل أغراب ..
.. .. .. ..وأحــلام بالـشنق مذبوحـه ..

سالم سداح · #3 (**permalink**) 22-06-2011, 21:09

/
البارحه مات الزمـن نُصـب عينـي ..
.. .. .. . .. وأنهت أماني حقبتـه وهلـة إقفـاي ..
والبارح أضنتلـي مواجـع سنينـي ..
.. .. .. . .. حره تبي تشغل زمن عمـري الجـاي ..
والـي تـلـذ بنطقـهـا شفتيـنـي ..
.. .. .. . .. أضحت تحشرج باأسمها العبره أقصاي ..
مرت مرور النـاي فـي مسمعينـي ..
.. .. .. . .. يروقني عزفه وهـو مجلـب أبكـاي ..

سالم سداح · #4 (**permalink**) 11-08-2011, 22:10

/
ياأنثى خطاها فوق كل المعاذير ..
.. .. .. .. .. تمـوت تحـياَ ماعـرفـها سمـاحي ..
ما أسامحك لو سامحتك المقادير ..
.. .. .. .. .. وإن باحك الموت مابحتك من جراحي ..

سالم سداح · #5 (**permalink**) 11-08-2011, 22:22

/
ماتستحقيـن منـي بضـع مافيـنـي ..
.. .. .. .. من صدق أحاسيس طهر شعور من عفه ..
جيتك وحال أشعيائـك بينـك وبينـي ..
.. .. .. .. ظلّتـي بـ محرابهـم عامـين معتكفـه ..
لو لـم تطيعينهـم لـو ماعصيتينـي ..
.. .. .. .. لو كان لك جانبي فـ أوجيههـم وقفـه ..
يمدي أرتجلت الطريق اللـي يودينـي ..
.. .. .. .. يمـك.. ويمدي إرتجلتي للقـى نصفـه ..

سالم سداح · #6 (**permalink**) 12-08-2011, 22:03

/
ألا ياريح مرتني وأنا مثـل الجبـل توبـاد ..
... .... ... .. ألاياريح ماهزت صخر بشموخـي العالـي ..
إذا قلّ أصلك أملالك .. وطاولتي جفاي عناد ..
... .... ... .. أنا لاقلت حرمتك .. هنا نبل أصلي أمـلالي ..

الذين يشاهدون محتوى الموضوع الآن : 1 ( الأعضاء 0 والزوار 1)